KollabiuM
Римма БочкареваҮтүө күнүнэн 🙌
*💫🌷Ыам ыйын 3 күнэ* ♈ Хой Элбэххэ аралдьыйбакка, сүрүн соруккун ойуччу тутан болҕойдоргун, үлэҥ суллурҕатык барыа, түмүк да түргэнник көстүө эбит. Тулалыыр дьон эйигин сэргиир, истэр, ылынар. ♉ Оҕус Үлэҥ-хамнаһыҥ эбиэттэн киэһэ табыллар. Онуоха диэри улаханы тоҕо-хайа түспэккэ, холкутук сырыт. Күн ортото кэпсэтии да астык буолуо, дьыала-куолу да салаллыа. ♊ Игирэлэр Сыыһа хамсаныыны оҥорбот гына күн бастакы аҥаарыгар күүрүмэ. Үлэҕэр кыыһырсыы тахсан хаалыан сөп. Эбиэттэн киэһэ тэтимиҥ түргэтиэ, суолуҥ арыллыа. ♋ Рак Дьону кытта биир тылы буларга, уоскутарга сэниэҥ барыа. Үлэ улахан аҥаарын бэйэҥ оҥороруҥ ордук буолсу. Бу түгэн быстах буоларын умнума. ♌ Хахай Сарсыардаттан суолталаах кэпсэтиигэ кыттаҕын. Бэйэтигэр эрэллээх, суолталаах дьоҥҥо сирдиир киһигин көрсүөҕүҥ. Кэккэҥ хаҥаан иһэр. Ылсыбыккын ыһыктыма. ♍ Кыыс Сарсыардаттан илииҥ-атаҕыҥ баайыллыбыта сүрдээх. Итинник түгэҥҥэ уоскуйар ордук. Кылгас тохтобул кэнниттэн үлэҥ-хамнаһыҥ санаа хоту сааһыланыа. ♎ Ыйааһын Күн бастакы аҥаарыгар дьыалаҥ табыллар. Биир санаалаахтарыҥ биллиэхтэрэ. Кэллиэгэлэргин кытта кэпсэтии түмүгэр ылбыт уопутуҥ инники олоххор туһанан эрэ дьайыа. ♏ Скорпион Санааҥ бииргэ сыппат, түһэр, тахсар. Албыҥҥа-көлдьүҥҥэ да түбэһэр куттал улахан. Ол иһин бэйэҕэ бүгэр, уоскуйа түһэр суолталаах. Аартыгыҥ субу арыллаары турар. ♐ Охчут Көһүппэтэх өттүттэн тургутуу баар буолуон сөп. Холку кэмҥэ ол дириҥээбэккэ, түргэнник ааһыа. Күн иккис аҥаарыттан суолталаах дьону кытта көрсүһүү, түмүктээх кэпсэтии күүтэр. ♑ Чубуку Саҥаны билэр, интэриэһинэй дьарыгы булунар чэпчэки уонна астык күн. Дьон эйигин ылынар, алтыһыыттан дуоһуйар. Тус олоҕу оҥосторго табыгастаах күн. ♒ Күрүлгэн Хайдах да түгэнтэн мүччү түһүөҥ, үүтү-хайаҕаһы булунуоҥ. Дьон эйиэхэ сүбэ-ама көрдөөн тахсыаҕа. Барытыгар табыллыылаах күн күүтэр. ♓ Балыктар Кыраны да болҕойуоххун наада. Тулалыыр дьон тугу гынара, этэрэ эйиэхэ суолталаах. Оннук түгэҥҥэ киһи бэйэтигэр туһалааҕы ылынар.
