KollabiuM
Римма БочкареваҮтүө күнүнэн 🙌
*💫🌷Муус устар 24 күнэ* ♈️Хой Күннээҕи былааҥҥын сарсыардаттан кичэйэн оҥоһун, оччоҕо эрэ барытын ситиһиэҥ. Кимтэн даҕаны көмөнү күүтүмэ, бэйэҥ ылыс. Көхтөөх буоларга тоҕоостоох кэм. ♉️Оҕус Улахан соруктары толорор сыаллаах буоллаххына, кэлэктиипкэр биир санаалаахтаргын көрдөө. Соҕотох буоллаххына, сыраҥ-сылбаҥ бараныа, баҕарбыккын ситиһиэҥ суоҕа. ♊️Игирэлэр Бэртээхэй күн саҕаланна, барыта табыллан иһиэ. Тоҕоостоох түгэни мүччү туппакка, уустук дьыалаҕын быһаарыаҥ. ♋️Рак Уратытык быһыыланыаххын баҕарыаҥ – куттаныма. Бүгүҥҥү кэпсэтии, дуогабардаһыы табыллар чинчилээх. Эн этиилэриҥ кэрэхсэтиэхтэрэ. ♌️Хахай Ыксаамыахха наада. Болҕомтоҕун, күүскүн-уоххун урукку дьыалаҕын үмүрүтэргэ туһаай. Салалтаҥ саҥа эбээһинэстэри сүктэриэҕэ. Идэҥ таһымын үрдэтэр кыах баар. ♍️Кыыс Бүгүн ситиһиилээх эрээри эмиэ да "былыттаах" күн үүммүт. Кэллиэгэлэргин, салалтаҕын кытта судургута суох кэпсэтиигэ кыттыаҥ. Кириитикэни уйарга бэлэм буол. ♎️Ыйааһын Урукку үлэҕин бүтэрбэккэ сылдьан саҥаҕа ылсыма. Сыыһаны-алҕаһы тута көннөрөр ордук. ♏️Скорпион Кэллиэгэлэргин кытта өйдөһүү үөрдүө. Урут сөпсөспөт, утарылаһар дьонуҥ кытта эйигин кытта биир хайысханы тутуһуохтарын баҕарыахтара. ♐️Охчут Эн суолгар харгыс суох. Үп-харчы дьыалата энчирээбэт санааны эрэйэр. Былааннаабатах айаҥҥар турунуоххун сөп. ♑️Чубуку Ис туруккуттан элбэх тутулуктаах. Олоҕу оптимист хараххынан көр, оччоҕо эрэ соһуччу үчүгэй түгэн тосхойуо, бэлэх кэлиэ. ♒️Күрүлгэн Күнүҥ бастакы аҥаара уустук соруктары быһаарарга табыгастаах. Онтон араас харгыстар үөскүөхтэрин сөп. Алтыһар дьоҥҥун кытта мөккүһэн ылыаҥ. ♓️Балыктар Ардыгар олус быһаарыныыта суоххун, ол эрээри бүгүн оннук күн буолбатах. Сып-сап быһаарына сатаа уонна дьон этэрин барытын ылынан иһимэ.
