KollabiuM
Римма БочкареваҮтүө күнүнэн 🙌
💫 Муус устар 18 күнэ ♈ Хой Нэдиэлэҥ актыыбынайдык салҕаныа, тулалыыр дьоҥҥор эмиэ бэриллиэҕэ. Дьоҥҥо көмөлөһүөххүн, өйүөххүн, сүбэ-ама биэриэххин баҕарыаҥ. Ол олус хайҕабыллаах эрээри, өйдөөн көр, чахчы эн көмөҕүн эрэйэр, көрдөһөр дьоҥҥо эрэ үтүө дьыалаҕын оҥор. Бэйэҕэр да элбэх дьыала мунньуллубут, ону эмиэ суһаллык быһаарыаххын наада. ♉ Оҕус Эйиэхэ олох энергията кутуллуоҕа. Араатардыыр дьоҕуруҥ үрдүөҕэ, онон уустук да киһини тылгар киллэрэр кыахтааххын, ону 100 % туһана сатаа. Эйигин кытта көрсүһүү аныылларын кэтэһэ сылдьыбакка, утары хардыыны бэйэҥ оҥорортон толлума. ♊ Игирэлэр Эн сүргэҥ биир кэм халбаҥнаан олоруоҕа – ханнык да кыра түгэнтэн кыйытта сылдьар буолуоҥ. Онно эбии тулалыыр чугас дьонуҥ эбэтэр салалтаҥ өттүттэн эйиэхэ көрдөрбүтүнэн сыыһа сыһыаннаһыы тахсыаҕа. Ол эйиэхэ тургутуу курдук буолуоҕа. Холкутуйаа сатаа, кыйыттыбыккын таскар таһаарыма. Сотору кэминэн барыта эн туһаҕар быһаарыллыаҕа. ♋ Рак Эмоциональнай туругуҥ соччото суох. Кыраттан да кыйыттаҕын, тылгын сатаан туттуммаккын. Дьону сэниэххин, түһэрэ сатыаххын сөп. Бэйэҕин сатаан туттумматаххына, сэрэхтээх дьон санаатыгар киирэн биэриэххин сөп. ♌ Хахай Уталытыллыбат дьыалалар күөрэйэннэр, сүпсүлгэн тахсыан сөп. Ону тэҥэ эйигиттэн көмө, боппуруос ыйытааччы элбиэҕэ. Онно аккаастыыр табыллыа суоҕа. Күн иккис аҥаарыгар уоскуйа быһыытыйыаҥ. Итиэннэ дьылҕаҥ соһуччу үөрүүнэн наҕараадалыаҕа. ♍ Кыыс Бу күн эйиэхэ элбэх соругу уонна уустук боппуруоһу быһаараргар кыах биэриэҕэ. Онуоха эн болҕомтоҥ биир да үүтү-хайаҕаһы хаалларыа суоҕа. Ол эрээри, төлөпүөҥҥүн уһун бириэмэҕэ умнан туран, туох баар санааҕын уурдаххына эрэ табыллыаҕа. ♎ Ыйааһын Хаһааҥҥытааҕар да актыыбынай күнүҥ үүммүт. Мээнэҕэ аралдьыйбатаххына, үлэҥ таһаарыылаах буолуоҕа. Мэйииҥ уһулуччу үчүгэй идеялары толкуйдуон сөп. Онон баҕарбыккын түргэнник ситиһэр кыахтааххын. Бу кыаҕы куоттарыма. ♏ Скорпион Санаалыын, дууһалыын өрөбүл күҥҥэ сылдьаҕын. Ол иһин, актыыбынай үлэҕэ турунарыҥ уустук соҕус буолуо. Ол эрээри, хайыыр да кыах суох — үлэни-хамнаһы саҕалыыр наада. Сорудаҕы быһаарарга дуоспуруннаах буол. Туохтан саҕалыыргын былааннаан баран, маҥнай уустук дьыалаларга ылыс. ♐ Охчут Сынньалаҥы ыралаан эрэ көрүөххүн сөп. Санаабыккынааҕар элбэх соругу ситиһэргэр тиийиэн. Барытын ситиһэр уонна күүскүттэн тахсыбат курдук, хас биирдии хамсаныыгын сааһылаан былааннаа уонна онтон туора туттума. ♑ Чубуку Эйигин соруйан угаайыга киллэриэхтэрин сөп. Куһаҕан өрүккүн көрдөрөөрү, кыынньаан бэйэҕиттэн таһаара сатыахтата. Онно бэринимэ, сытыырхайбыт түгэнтэн куота тутуҥ, тулалыыр дьоҥҥо аһаҕастык тугу да кэпсээмэ. Эйигиттэн информация ыган, кэлин эн утары туһанар санаалаах киһи көстүөн эмиэ сөп. ♒ Күрүлгэн Уустук күн күүтэр: куһаҕан сонуну истиэҥ, онно ким эрэ эйигин балыйа сатыаҕа. Дьон саҥатыгар киириэххин баҕарбат буоллаххына, тулуйан олорума, кырдьыккын ааҕыс. Балыйааччыны миэстэтин булларан, бэйэҕэр эрэллээххин, кытаанаххын көрдөр. ♓ Балыктар Эргиллэн кэлэ турар дьыалаҥ уонна эбээһинэһин сарсыардаттан холоруктуу ытыйыаҕа. Сорох дьыалаттан босхолонор туһунан санаама, туох да тахсыа суоҕа. Ол кэриэтин түргэнник турунан саҕалаа.
