KollabiuM
Римма БочкареваҮтүө күнүнэн 🙌
*💫🌷Муус устар 16 күнэ* ♈ Хой Быһаарыныыны ылынаргар бэйэҕэр эрэ эрэн. Атын дьон сүбэтэ, кинилэри кытта былааны ырытыы эн өйгүн ыһыан эрэ сөп, ону кытта этиһиигэ тиэрдиэн сөп. Классическай муусука эйиэхэ үчүгэйдик дьайыаҕа. ♉ Оҕус Дьыалабыай көрсүһүү, кэпсэтии ситиһиилээхтик ааһыаҕа. Эйиэхэ барыстаах этиини киллэриэхтэрин сөп эбэтэр тугу эрэ туран биэриэхтэрин сөп. Доҕотторгун кытта сынньалаҥ үөрдүөҕэ. ♊ Игирэлэр Күн бастакы аҥаарыгар долгутар түгэн үөскүөҕэ. Ол эрээри ыгылыйыыга бэринимэ. Бу быстах кэм. Бэйэ туругун хамсаппатаххына, түргэнник быһаарыллар дьыала. Чугас киһигин кытта ис дууһаттан аһаҕастык кэпсэтэргэ табыгастаах кэм. ♋ Рак Дьиэ кэргэҥҥэр туох эрэ уларыйыы тахсыан сөп. Хаһааҥҥытааҕар да сүүрүүлээх-көтүүлээх күн ааһыаҕа. Онон киэһэ үчүгэйдик сынньан. Көрсүһүү анаммыт буоллаҕына, ону көһөрөр ордук. ♌ Хахай Арыт сүүрүгү кытта тэҥҥэ устан иһэн ситиһиилэниэххин сөп. Эйиэхэ оннук күн үүммүт. Арай кэллиэгэлэргин, салалтаҕын кытта биир тылы буларыҥ уустук буолуоҕа. Кинилэр «халлааны туойаллар», ол эрээри ону ыйар наадата суох. ♍ Кыыс Тиэтэйбэтэххинэ, бу күн таһаарыылаах буолуон сөп. Барытын үчүгэйдик былааннаан, толкуйдаан ылыс. Күннээҕи дьиэ түбүгүн, өрөмүөнү саҕалаатаххына, быдан үчүгэйдик толоруоҥ. ♎ Ыйааһын Инникигэр эрэллээх буоларыҥ туһугар, үп-харчы дьыалатын бэрээдэктиириҥ ордук. Сулустар бүддьүөтү былаанныырга, ороскуоккун кыччатарга сүбэлииллэр. ♏ Скорпион Эн улахан сыал туруораргыттан куттаммаккын уонна онно кырачаан хардыыларынан хаама тураҕын. Бииргэ үлэлэһэргэ сөбүлэҥи хорсуннук түһэрсиэххин сөп. Юридическай өттүнэн дьыала-куолу табыллыаҕа. ♐ Охчут Кыраҕа да болҕомто уурарыҥ – эн күүстээх өрүтүҥ. Кэнники кэмҥэ эйигин туох долгутарын сөптөөх түмүк оҥорон быһаарыаххын сөп. ♑ Чубуку Эйиэхэ дьон итэҕэйэн туттарбыт дьыалатыгар ситиһиилэниэххин сөп. Дьиҥ суолталаахха эрэ ылыс. Ордук атыы-эргиэн дьыалата үчүгэйдик тахсыаҕа. Олоххун тосту уларытар билсиһии үүнүөн сөп. ♒ Күрүлгэн Күн бастакы аҥаарыгар эрэ үлэлиириҥ ордук. Тоҕо диэтэр, аһары сылайыаххын, кыһалҕаны кытта кэтиллиэххин сөп. Киэһэтин дьону кытта кэпсэтии тахсыа суоҕа. Эн кыһалларгын өйдөөн көрбөттөрүн, эйигин сыаналаабаттарын курдук сананыаҥ. ♓ Балыктар Сыралаах үлэҥ түмүгэ күүппүккүнээҕэр өссө үчүгэй буолуоҕа. Кэллиэгэлэргин кытта сыһыаныҥ эмиэ үөрдүөҕэ. Барыстаах сөбүлэҥи түһэрсии, малы чэпчэтиилээх сыанаҕа атыылаһыы табыллыаҕа.
