KollabiuM
Римма БочкареваҮтүө күнүнэн 🙌
*💫🌷Муус устар 3 күнэ* ♈️ Хой Бэйэҕэр эрэллээх буолууҥ туруоруммут сыалгын ситиһэргэ көмөлөһүө. Бүгүн бэл утарсааччыларгын кытта сыһыаҥҥыт тупсуо. Харчы боппуруоһа кэбэҕэстик быһаарыллыа. ♉️ Оҕус Инникигин санаан, партнергун кытта сыһыаҥҥыт туһугар эмискэ долгуйуоҥ. Үлэҕэр ыарахаттары көрсүөҥ. Туохтан санаарҕыыргын үллэстэр ордук, кэпсэтиигэ бириэмэҕин аныыргын харыһыйыма – туһаныаҥ. ♊️ Игирэлэр Үлэҕэ күүскэ ылсарга олус табыгастаах күн. Кэлэктиипкин кытта табыллан алтыһаҕын, ыарахаттары бииргэ туоратаҕыт. Киэһэ ис сүрэхтэн истиҥ бэлэҕи күүт. ♋️ Рак Бүгүҥҥү күнүҥ ыһыллаҕас соҕус буолуоҕа. Онон оҥоруохтааххын былааннаан, былааҥҥын тутуһа сатаа. Иллэҥ кэмҥин чугас доҕотторгун, дьиэ кэргэҥҥин кытта атаар. Бэртээхэй сынньалаҥ күүтэр. ♌️ Хахай Күнүҥ саҕаланыыта санаа хоту буолуо суоҕа. Былааҥҥын уларытарга күһэллиэҥ, онно сып-сап сөп түбэһэргэ бэлэм буол. Буола турарга холкутук сыһыаннаһа сатаа уонна оҥоһуллуохтааҕы бэйэҥ илиигэр ыларыҥ ордук. ♍️ Кыыс Олус элбэҕи үмүрүтэр соруктааххын, онтон санааҥ оонньуур, дьиксинэҕин. Дьүккүөрдээх буол, оччоҕо эрэ табыллыаҥ. Суолталаах кэпсэтиини, көрсүһүүнү күн иккис аҥаарыгар тэрийэр ордук. ♎️ Ыйааһын Уһун кэмнээх былаанна оҥоһун. Инникигин өтө көрбүт курдук дьаһаныаҥ. Бэрээдэк олохтуур, ордук-хоһу миэстэтин булларар ордук. Эйигин атахтыыр, таҥнары тардар дьону кытта сибээскин быһа сатаа. ♏️ Скорпион Улаханнык ыгылытар, ньиэрбинэйдэтэр түгэн үөскүөн сөп. Холкутуйа сатаа, инньэ гымматаххына, этиһии тахсыа. Киэһэ массаж эбэтэр уоскутар процедура туһалыа. ♐️ Охчут Улахан суолталааҕы кэпсэтиини үлэҕиттэн атын миэстэҕэ тэрийэр ордук. Эппиккин энчирэппэтэххинэ эрэ ситиһии кэлиэ. Бырааһынньыгы, доҕотторгун кытта көрсүһүүнү табыллан тэрийиэҥ. ♑️ Чубуку Сыалгын ситиһэргэ тугу барытын тоҕо солоон тиийиэххин наада. Кыайыы-хотуу чугас. Сүүйүүлээх буолуоххун, наҕараада тутуоххун эбэтэр интэриэһинэй этии кэлиэн сөп. ♒️ Күрүлгэн Элбэх моһол күөрэс гыныан сөп. Санааҕын түһэримэ, ыарахаттары эрдээхтик туораан, бэйэҕинэн киэн туттуоҥ. Харчыгын ааҕан-суоттаан тутуннаххына эрэ баҕараргын ылыаҥ. ♓️ Балыктар Дьыалабыай боппуруостары быһаарарга уолдьаспыт. Үлэ туһунан кэпсэтиигэ табыллыаҥ. Карьераҥ кирилиэһин үрдүк кэрдииһигэр тахсар түгэн тосхойуон сөп.
