KollabiuM
Римма БочкареваҮтүө күнүнэн 🙌
*💫🌷Кулун тутар 24 күнэ🌷* ♈ Хой Остуоруйаҕа курдук икки суолтан хайатын эрэ талыы соруга турар. Хас даҕаны олус барыстаах этии киириэҕэ. Быһаарына охсорго ыксаама: ылсыаххын сөптөөх суолгун үчүгэйдик үөрэт, туһааннааҕы аах, билис, дьонтон ыйыталас. ♉ Оҕус Эккин-сииҥҥин, өйгүн-санааҕын илиһиннэримэ. Санаа түһүүтүттэн-тахсыытыттан, араас толкуйтан сынньаныаххын наада. Искэр тутума, туох санаарҕатарын дьоҥҥо кэпсээ, үллэһин. Тута чэпчиэҥ. ♊ Игирэлэр Күүһүрбүтүҥ, сэниэлэммитиҥ сүрдээх. Ону табыгастаах хайысхаҕа салайыаххын наада. Эйиэхэ тугунан эмит көмөлөһүөн баҕалаах дьоҥҥо үтүө тыллары эттэргин, дьыала суллурҕатык сыҕарыйыа этэ. ♋ Рак Сынньана түһүөххүн, күнү дуоһуйа атаарыаххын наада. Арай маҕаһыыннары тумнарыҥ ордук. Солуута суоҕу атыылаһан, ороскуотурар куттал баар. Киэһэтин кэлэр нэдиэлэҕэ тугу гынаргын былааннан. ♌ Хахай Күүппэтэх өттүгүттэн тургутуулары көрсүөҥ. Кыһалҕаҥ сиэрэ суох улааппатын туһугар түргэнник быһаарына охсуоххун наада. Бэйэҥ эрэ кыайыа суох буоллаххына, туораттан көмөнү көрдүүртэн кыбыстыма. ♍ Кыыс Тулалыыр дьон эн санааҕын табыа суох көрүҥнээхтэр. Ол аайы санааҕын түһэримэ. Төттөрүтүн, тугунан көтөҕөргүн толкуйдаа. Дьаарбай, тугунан эмит дьарыгыр биитэр киинэтэ көр. ♎ Ыйааһын Суолга саахал куттала үрдээн турар. Онон дьиэҕиттэн тахсарга күһэллэр буоллаххына, суолга сэрэхтээх буол биитэр уопсастыбаннай тырааныспарынан туһан. Онтон атына бары өттүнэн табыгастаах күн. ♏ Скорпион Көхтөөххүн, сэниэлээххин. Ол хаалан сылдьар дьыалаларгын бөрүүргэ олус табыгастаах. Ханнык да түгэҥҥэ сынньаныахтааххын умнума. Үтүө дьону кытта көрүс, астык алтыһыыларга сырыт. ♐ Охчут Бүгүҥҥү үлэ күнэ чуумпу, холку буолар кыаҕа суох. Дьон эйиэхэ тугу этиэн баҕарарын холкутук иһит. Ол туһата кэлэр да күннэргэ биллиэҕэ. Үлэлиир, айар-тутар баҕаҥ хаһааҥҥытааҕар да күүстээх. ♑ Чубуку Таһаарыылаах күн. Ол эрээри, бэйэҕэр аһара элбэҕи ылыныма. Субу кэмҥэ эрэ толоруллуохтаахха ылсан баран, атынын тохтото түһэриҥ ордук. Киһи син биир барытын саба туппат. Бэйэҕин харыстаа. ♒ Күрүлгэн Өрөбүлүҥ күүрээннээхтик ааһан буолуо, сынньаныах санааҥ кэлэр. Бу күн аһара улахан суолталаах боппуруоһу быһаарыыга ылсыма. Дуоһуйууну, сынньалаҥы иҥэрэр дьарыктааҕыҥ буоллар, бэрт этэ. ♓ Балыктар Күүрээннээх үлэлээх, бары өттүнэн ыпсарыылаах күн. Нэдиэлэтээҕи үлэҕин үчүгэйдик былааннаа. Төһө даҕаны үлэҕэ дьиэ, оҕо туһунан саныыр табыгаһа суоҕун иһин, сааскы сынньалаҥҥа оҕолоргун тугунан дьарыктыыргын эмиэ торумнаа.