KollabiuM
Римма БочкареваҮтүө күнүнэн 🙌
✨Күннээҕи гороскоп *💫Олунньу 20 күнэ* ♈️Хой Ис санааҕыттан үөрэ-көтө толкуйдаан оҥорорун уонна толорорун инникитин бэйэҕэр туһалыаҕа. Бүгүн умнууга хаалбыт үлэҥ санатыаҕа. Боппуруоһу уһаппакка-кэҥэппэккэ түргэнник быһаар. ♉️Оҕус Күүстээх үлэҕэ сэрэхтээхтик тутун-хабын. Бэйэҕитин көрүнэ сылдьыҥ уонна көстөн турар кутталлаах быһыыга-майгыга киирэн биэримэ. Сүрүнэ, куһаҕан санааҕа бас бэринимэ. ♊️Игирэлэр Сынньалаҥтан киһи эмиэ туһалааҕы ылар. Ыксаан дьону күллэриэх кэриэтэ, чиҥ былааны тутуспутун ордук. Ситэтэ суох, иннэ-кэннэ биллибэт сорукка ылсыма. Барытын чэпчэкитик ылыҥ. Оччоҕо хайдах түмүк кэлэрин бэйэҥ көрүөҥ. ♋️Араак Бүгүн соччо сөбүлээбэт, ол эрээри, ирдэнэр сорудахтаргын толоруоҥ. Күн бастакы аҥарыгар саҥа билсиһии эбэтэр көһүппэтэх көрсүһүү тосхойуон сөп. Онтон күн иккис аҥарыгар хомуллуоҥ уонна дьэ, сүрүн соруктары ситиһэргэ турунуоҥ. ♌️Хахай Бэйэҕэр наһаа элбэҕи ылыныма. Оҥоруллуохтааҕы ситиһэргэ сааһылан, хас да төгүл көр-иһит. Олох, күн-дьыл, бириэмэ эһиги эппиккитинэн барбат. Барытыгар бэлэм буол. ♍️Кыыс Бүгүн алҕас быһыыны оҥороҥҥун кэмсиниэххин сөп. Кими да кытта мөккүһүмэ, утары турууну оҥорума. Бэйэҕин туттуҥ, үлэнэн аралдьый. ♎️Ыйааһын Түргэнник туох да оҥоһуллубат. Тулуурдаах буол. Бүгүн уларыйыылар тахсаннар эн санааҕын уларытыахтарын сөп. Оччоҕо урукку бэйэҥ олох атын киһи буола түһүөҥ. ♏️Скорпион Бүгүн оҥоруохтааҕар, ыраланыы быдан туһалааҕы аҕалыаҕа. Чопчу, быһаччы оҥорууга туруулаһыы – кыһалҕаны көрүһүннэриэн сөп. Бириэмэни ыксаппакка, баҕа санааны бастакы кэдиискэ туруор. ♐️Охчут Соччото суоҕу истэҥҥин былааннаабытын уларыйыан сөп. Аймалҕан турбут сириттэн тэйиччи хаамп уонна улахан дьыалаҕа билигин олох ылсыма, куһаҕанынан бүтэр чинчилээх. ♑️Чубуку Хомойбут сирэйи суох гыннаххына, бүгүҥҥү күн эйиэхэ үчүгэйи утары уунуо. Түгэх түспэккэ сырыттаххына, оннооҕор искэр харыстаан илдьэ сылдьар баҕа санаан туолуоҕа. ♒️Күрүлгэн Наһаа барытыгар эн эрэ аҕай буолума. Бэйэҕин уларытартан куттаныма. Уларыйыы, былааны уларытыы барыта үөрүүгэ, үтүө өйдөбүлгэ буолуоҕа. ♓️Балык Сымыйа сураҕы-садьыгы, кэпсээни тарҕатыма, дьону ырытыма. Бу барыта эн утары туруон сөбүн умнума. Дьон ситиһиитин, үчүгэй сонуну истэргэ үөрэн. Кинилэр үөрүүлэрин тэҥҥэ үллэһин.
