KollabiuM
Римма БочкареваҮтүө күнүнэн 🙌
💫Тохсунньу 4 күнэ ♈️Хой Бүгүҥҥү күнүҥ олус элбэх эрчими уонна саҥа кыахтары биэриэҕэ. Ханнык баҕарар кыһалҕаны туоратар кыахтааххын. Онуоха быһаарыныылаах буоларыҥ ирдэнэр. Туох эрэ түгэн эмискэ атын хайысхаҕа салалларыгар бэлэм буол. ♉️Оҕус Биир кэм уоскулаҥ туругу баҕарыаҥ. Үп-харчы боппуруоһа инники былааҥҥа туруоҕа. Түргэн быһаарыныыны эрэйэр түгэҥҥэ сэрэйэр дьоҕургар эрэн. ♊️Игирэлэр Бүгүн кэпсэтинньэҥ хаачыстыбаҥ үрдүк кэрдиискэ тахсыбыт. Ону туһалаах дьону кытта сыһыаны тупсарыыга туһаай. Итиэннэ бүгүн докумуону кытта үлэҕэ ураты болҕомтолоох буол. ♋️Рак Бүгүҥҥү күҥҥүн бэйэҕэр уонна чугас дьоҥҥор болҕомто уурарга анаа. Эмоцияларыҥ күүркэйиэхтэрин сөп – сэрэхтээх буол, тулаҕар уоскулаҥ эйгэни үөскэтэ сатаа. ♌️Хахай Абылыыр дьоҕуруҥ күүһүрбүт. Ону сыалгын ситиһэргэ туһан. Соһуччу билиниини эбэтэр бэйэҥ тускунан үчүгэйи истиэҥ. ♍️Кыыс Сүрүн суолталаах сорукка болҕомтоҕун түмэргэ кыһалын. Кыраҕы болҕомтоҥ сыыһс-халты туттунууттан быыһыаҕа. Тулалыыр дьоҥҥун кытта өйдөспөт быһыы-майгы тахсыан сөп. ♎️Ыйааһын Тус сыһыаннаһыыларгар үчүгэйи-куһаҕаны тэҥниир, ортотун олохтуур күн. Иккиэҥҥитигэр барыстааҕын тобулуоҥ. Этиһэр, иирсэр диэнтэн дьалты тутта сырыт. ♏️Скорпион Өрө күүрүүлээх, имэҥнээх эмоциялар киириэхтэрэ. Саҥаны арыйар эбэтэр кистэлэҥи саралыы тардар түгэн үөскүөн сөп. ♐️Охчут Үөрүнньэҥ, барыга-бары чэпчэкитик ылсар хаачыстыбаҥ үөскээбит моһоллору туоратарга көмөлөһүө. Айаҥҥа турунарга эбэтэр үөрэнэргэ табыгастаах күн. Саҥа уопукка аһаҕас буол. ♑️Чубуку Былаанныырга, сааһыланарга саамай тоҕоостоох күн. Үлэҕэ тапталыҥ үтүө түмүгэ көстүө. Дуоһунаһыҥ үрдүөн сөп. ♒️Күрүлгэн Эн дьикти толкуйуҥ дьон болҕомтотун тардыа. Соһуччу көрсүһүүлэргэ бэлэм буол. Сэрэйэн көрөр дьоҕургар эрэн. ♓️Балыктар Айар-тутар дьарыккар табыгастаах күн. Хаһааҥҥытааҕар даҕаны дьону өйдүүр-өйүүр хаачыстыбаҥ күүһүрбүт. Ол эрээри аһара абылатартан сэрэн.
