KollabiuM
Римма БочкареваҮтүө күнүнэн 🙌
✨Күннээҕи гороскоп✨ *Ахсынньы 14 күнэ* ♈️Хой Биир чопчу дьыалаҕа бэйэҕин бүтүннүү, күүскүн-уоххун аныаҕын. Ол эрээри өйдөө: бу дьыалаттан атын элбэх кыра сыал-сорук баарын умнума. Киэһэ настарыанньаны көтөҕөр сонуну истиэххин сөп. ♉️Оҕус Ханна да ыксаама, сыыһаны оҥорор куттал баар. Чугас дьонуҥ, коллегаларын кэпсээннэрин болҕой, наадалаах информацияны истиэххит. Урукку сыыһаҕын көннөрүөҥ. Киэһэҕин дьиэ кэргэҥҥин кытта атаар. ♊️Игирэлэр Бүгүн бэйэҕин үчүгэй өттүттэн көрдөрүөххүн баҕарыаҥ. Кимиэхэ да тугу да эрэннэримэ. Саҥаҕа үөрэнэргэ, кинигэ ааҕарга табыгастаах кэм. Киэһэ интэриэһинэй киинэтэ көр. ♋️Араак Бэйэҕин үчүгэйдик сананар туһугар, кэнникигэ хаалларбыт дьыалаларгын оҥор. Киэһэни тапталлааххын эбэтэр доҕотторгун кытта атаар, төһөнөн элбэх информация ылыаххыт да, соччонон үчүгэй. ♌️Хахай Үлэҥ түмүгэ көстүөҕэ. Бүгүн күүскэ үлэлиэн-хамсыан, эйигин кэтии-маныы, сыаналыы сылдьаллар. Киэһэни тапталлааххын кытта атаарар ордук буолуо. ♍️Кыыс Эрдэ түмүк оҥостума уонна санаарҕаама. Үлэҕэр элбэх дьыала мунньуллубут, алҕас тахсыбатын туһугар, былааннаан, ыксаабакка оҥор. Коллегаларын сүбэлэрин туһан. Тапталлааххар болҕомтоҕун анаа, иллэҥэ суоххуттан дьүһүҥҥүн да умнан эрэр. ♎️Ыйааһын Бүгүн эйигин элбэх ыйытыы мунаахсытар, сорох ыйытыыга хоруй булуоххут суоҕа. Доҕотторуҥ, чугас дьонуҥ туһалаах сүбэлэри биэриэхтэрэ, онтон аккаастаныма. Элбэх күүһү бараан, үлэҕит үтүө түмүктээх буолуо. ♏️Скорпион Үлэҥ түмүгүттэн астыныан суоҕа. Кылаабынайа, ыксаллаах, тиэтэллээх үлэҕин кэнникигэ хаалларыма. Киэһэ чугас дьоҥҥун кытта буол, күүлэйдээҥ, маҕаһыыннарга сылдьыҥ, киэһээҥи аһылыгы бииргэ атаарыҥ. ♐️Охчут Урукку үлэҥ түмүктэрэ көстүөхтэрэ. Барытыттан астыныаҥ суоҕа. Хомойума, бэйэҕин хайҕаа. Киэһэ сөбүлүүр дьарыккын оҥор, киинэтэ көр. ♑️Чубуку Бүгүҥҥү саҥа саҕалааһыннар ситиһиитэ суох буолуохтара. Онон урукку дьыалаларгынан дьарыгыр. Киэһэни доҕотторгун, чугас дьоҥҥун кытта атаар. ♒️Күрүлгэн Бүгүн соһуччу көрсүһүүлэр, сонуннар, билсиһиилэр үөрдүөхтэрэ. Араас ыйытыыларга хоруйдары булуоххут. Дьыалабыай докумуоннарга илии баттаама, кэпсэтиилэри ыытыма. ♓️Балыктар Барыта былааннаабытын курдук табыллыа суоҕа. Олус наадалаах дьыаланы атын күҥҥэ көһөр. Күүрээннээх үлэ күнүн кэнниттэн киэһэ сынньан. Чугас дьоҥҥун кытта кэпсэт, киинэтэ көр, кинигэтэ аах.
