KollabiuM
Римма БочкареваҮтүө күнүнэн 🙌
*❄️☃️Ахсынньы 10 күнэ☃️❄️* ♈️Хой Көһүппэтэх-күүппэтэх уустук соруктаргын толорорго күһэллиэҥ. Ол эрээри эн энчирээьэт эрчимиҥ ону барытын быһаарарга көмө буолуоҕа. Бытархай дьыалаларга ситиһии эн диэки буолуо. ♉️Оҕус Үлэҕэр кыһамньылаах сыһыаныҥ сыаналаныаҕа, бэйэҥ тускунан элбэх үчүгэйи истэргэ бэлэмнэн. Тус олоххор кылгас кэмҥэ өйдөспөт буолуу түгэнэ үөскүөҕэ. ♊️Игирэлэр Бэрт тэтимнээх, саҥа бырайыактардаах, көрсүһүүлэрдээх күн үүммүт. Сулустар эйиэхэ үлэни уонна сынньалаҥы тэҥҥэ тутарга сүбэлииллэр. ♋️Рак Бу күҥҥэ эмоцияларыҥ халбаҥнас буолуохтара, маннык кэм эйиэхэ айар-тутар дьарыккар барсар. Онон саҥаны айыах-тутуох буолбуккун олоххо киллэрэ сатаа, саҕалаа. Урбаанньыттар, сэрэхтээх буолуҥ, өйдөммөт түгэн тахсыан сөп. ♌️Хахай Бу күҥҥэ Хахайдарга карьераҕыт кирилиэһин дабайарга саҥа саҕахтар аһыллыахтара. Тус сыһыаннаһыыларгытыгар болҕомто киинигэр сылдьаҕын. ♍️Кыыс Бүгүн ситиһиилээх, үтүө түмүктээх кэпсэтии, көрсүһүү күүтэр. Ону мүччү тутар табыллыбат. Тус олоххор болҕомтолоох уонна сиэрдээх буол. ♎️Ыйааһын Үп-харчы боппуруоһа уустук соҕус, ол эрээри бу кылгас кэмҥэ буоларын өйдөө. Барытыгар үчүгэйи эрэ өйдөөн көрөр майгыҥ көмөлөөх буолуоҕа. ♏️Скорпион Үлэҕэр элбэҕи ситиһээри күүскүн-кыаххын барытын ууруох курдуккун. Тапталлааххын кытта сыһыаҥҥытыгар ардыгар бэйэ-бэйэҕититтэн сынньанар кэм эмиэ наадатын өйдөө, болҕомтону олус эрэйимэ. ♐️Охчут Үлэҥ чааһыгар интэриэһинэй этии киириэн сөп. Оттон тус олоххор барыта кэминэн, чуумпу, уу-нуурал. ♑️Чубуку Бүгүҥҥү күнү былааннанарга, сааһыланарга аныыр ордук. Тус кыһалҕаларгын быһаарарга хаһааҥҥытааҕар даҕаны элбэх бириэмэҕин аныаҥ. ♒️Күрүлгэн Идэҥ эйгэтигэр үүнүү-сайдыы суолун тутуһарга эйигиттэн саҥалыы көрүү, сонуннук дьаһаныы ирдэнэр. Тус сыһыаннаһыыларгын бөҕөргөтөргө үлэлэс. ♓️Балыктар Тыҥааһыннаах күн күүтэр. Онуоха сэрэйэр дьоҕургар эрэнэн, кыһалҕа үөскээтэҕинэ, тута быһаара сатаа.
