KollabiuM
Римма БочкареваҮтүө күнүнэн 🙌
*❄️Сэтинньи 2 күнэ❄️* ♈️Хой Бэйэҥ тус баҕаҕынан, көрүүгүнэн салайтар. Тулалыыр дьон тугу этэргин ситэ өйдөөбөккө, санааларын соҥнуу, хатыйа сатыахтарын сөп. Урукку кыыһырсыы кэнниттэн биир тылы буларга, тапталга билинэргэ табыгастаах күн. ♉️Оҕус Үчүгэй сонун кэлиэ. Эн идиэйэҕин, ситиһиилэргин кыахтаах дьон сэҥээриэ. Интэриэһинэй сиргэ сылдьа сатаа. Онтон ылбыт билииҥ сотору кэминэн туһалыа. ♊️Игирэ Харчыгын ыскайданыах курдуккун. Буолары-буолбаты атыылаһартан, саарбах соҕус дьыалаҕа ылсартан тутун. Бэйэҥ туруорсуугунан тус олоххор уларыйыы буолуо. ♋️Рак Көмө көрдүөххүн, кимниин эрэ кыһалҕаҕын үллэстиэххин баҕарбаккын эрээри, бэйэҥ эрэ кыайарыҥ уустук. Таптал чааһыгар долгуйуу баар. Ону тупсарар туһуттан бэйэҥ үлэлэһэриҥ наада. ♌️Хахай Күн бэрт түргэнник ааһар. Чугас дьоҥҥун кытта сыһыаны уларытар иһитиннэрии кэлиэҕэ. Киэһэҕин дьиэ кэргэҥҥин кытта атаар, дьиэ иһинээҕини дьүүллэс. ♍️Кыыс Ыксаамыаххын наада. Сэрэхтээхтик, болҕомтолоохтук сырыт. Сорох дьыалаҕын бүгүн быһаарар кыаллыа суоҕа. Олох очурдаах. Кыратык тулуй. ♎️Ыйааһын Урукку-хойукку дьыалаларыҥ күөрэйэллэр. Хата сыыһаларгын, алҕастаргын көннөрүөҥ. Дохуоту үрдэтэр кыах көстөр. Инвестицияҕа ылсарга табыгастаах күн. ♏️Скорпион Бэл чугас дьонуҥ өйдөөбөттөр. Иһигэр хомойооччу, кыыһырааччы да баар. Бүгүн көрсүһүүлэри, тэрээһиннэри тумун. Үлэҕэр эбэтэр сөбүлүүр дьарыккар күҥҥүн аныырыҥ ордук. ♐️Охчут Дьиэ кэргэҥҥэр киҥир-хаҥыр саҥарсыыны алы гынар кыах эйиэхэ эрэ баар. Төһө да балаһыанньа тыҥаатар, настырыанньаҥ үчүгэй. Күнү сынньалаҥнык, интэриэһинэйдик атаарыаҥ. ♑️Чубуку Быһаарыныыны түргэнник ылыныаххын наада. Уопуккун уонна тулуургун туһан. Айанныырга табыгастаах күн. Ол саҥа санаалары саҕыа. ♒️Күрүлгэн Бэйэҥ кыаххын көрдөрөргө анаммыт күн. Хорсун хардыылары оҥорорго сулустар суолгун арыйан биэрбиттэр. Арай үп-харчы чааһыгар чугас дьоҥҥун кытта өйдөспөт быһыы-майгы буолан ылыан сөп. ♓️Балыктар Чуумпу күн. Истиҥ, иһирэх алтыһыы, доҕоргун кытта көрсүһүү күүтэр. Эрдэтээҥҥи кэпсэтии быһыытынан, аймахтаргын кытта кыттыгас үлэни былаанныырга күн киэнэ үтүөтэ.
