KollabiuM
Римма БочкареваҮтүө күнүнэн 🙌
*❄️Сэтинньи 1 күнэ❄️* ♈️Хой Аттыгар сылдьар дьонуҥ бүгүн арыый тыйыстар. Кыралаан хаарыйар да тыллар баар буолуохтарын сөп. Ону дириҥэтэр наадата суох. Аахайбакка, аһаран кэбиһэн, кыайыылаах тахсыаҥ. ♉️Оҕус Үлэҕэр бэйэҕин үчүгэй эрэ өттүнэн көрдөрөҕүн. Сорохтору дуоһунаска үрдээһин күүтэр. Арай таптал чааһыгар тымныы. Бүгүн тоҕо эрэ хаҕыскын. Ол сыһыаҥҥа дьайыан сөп. ♊️Игирэ Бары өттүнэн үчүгэй күн. Арай хаһан да быһаарыллыа суох курдук дьыалаҥ түмүгэ көстүө. Эбиэккэ сынньанан ыларыҥ наадалаах. Бүгүн атыыны-тутууну тохтотуохха наада. ♋️Рак Харчы чааһыгар табыллаҕын. Бу күн ыытыллар кэпсэтии, атыылаһыы үчүгэй түмүктээх. Саҥа дьыалаҕа ылсыһар дьоҥҥун, салалтаҕын кытта кэпсэтиигэ табыгастаах күн. ♌️Хахай Быһымах санааттан эйиэхэ суолталаах сыһыан ыһыллыан сөп. Кыратык тохтобул ыларыҥ ордук. Киэһэтин доҕотторгун кытта алтыһарыҥ сүрэххин да сылытыа, санааҕын да көтөҕүө. ♍️Кыыс Улахан дьыала тарбах быыһынан саккырыыр күнэ. Күҥҥүн быстах-остох үлэҕэ анаа. Чугас дьоҥҥун кытта алтыһыыга бэйэҥ интэриэскин инники күөҥҥэ тутума. ♎️Ыйааһын Дьону кытта алтыһарга, саҥа билсиһиигэ табыгастаах күн. Элбэх интэриэһинэйи билиэҥ, сонун дьону кытта билсиэҥ. Дьиэҕэ анаан миэбэли, утуйар таҥаһы, онтон да атыны атыылаһарга табыгастаах күн ♏️Скорпион Айаҥҥар ыарахаттар көстөллөр. Дьулууруҥ, тулууруҥ эрэ биэтэккэ аҕалыа. Бүгүн чугас дьоҥҥун кытта алтыһыыны былааннаама. Өйдүөхтэрэ суоҕа. ♐️Охчут Соруккун ситэргэр кичэллээхтик оҥоһуллубут былаан абырыа. Оннук түгэҥҥэ эйигин туох да тохтоппот. Аҥаарыҥ күнүүлээн туруон сөп эрээри, ол сотору ааһыа. ♑️Чубуку Ылсыбытыҥ эрэ ыпсан иһэрэ дьикти. Барыта олус чэпчэкитик салаллар. Онон суолталаах быһаарыныыны ылынан, олоҕу олоччу да уларытарга табыгастаах күн. ♒️Күрүлгэн Чугас киһиҥ хомотуон сөп. Түмүк оҥосторго ыксаама. Уоскуйдахха, буолан ааспыт балаһыанньа оҕо оонньуутун курдук эмиэ буолааччы. ♓️Балыктар Мүччүргэннээх сырыыга, айаҥҥа талаһаҕын. Кутталлаах түгэн, сыһыаҥҥа уларыйыылар олоххо эмиэ наада курдуктар. Ол эрээри, аһара барар наадата суох. Ортотунан сырыт.
