KollabiuM
Римма БочкареваҮтүө күнүнэн 🙌
*🍁🍂Алтынньы 15 күнэ🍂🍁* ♈️Хой Быстах кэмҥэ күүс-уох мөлтөөбүтүн билиэҕин. Онон бу күн олус элбэх дьыаланы быланнаммат ордук. Итиэннэ көһүтүллүбэтэх өттүттэн харчы ороскуоттаныан сөп. ♉️Оҕус Бу күн үчүгэйдик утуйарыҥ, сөптөөхтүк аһыырыҥ, сибиэһэй салгыҥҥа сылдьарыҥ ордук. Бу барыта мунньуллубут сылааҕын таһаарарга көмөлөһүөҕэ. ♊️Игирэ Саҥа үөрэҕи, бырыайыагы саҕалыырга табыгастаах кэмиҥ кэллэ. Инники үлэҕэр-хамнаскар сыһыаннаах сонун үөрдүөҕэ. ♋️Рак Соһуччу үүммүт түгэн былааҥҥын алдьатыаҕа. Кыһалҕаны үөскэппэт туһугар быһаарыныыны түргэнник ылынаргар тиийиэҥа. ♌️Хахай Күн бастакы аҥаарыгар дьыалабыай көрсүһүүлэр табыллыахтара. Оттон хаалбыт бириэмэни дьиэҕин-уоккун оҥостууга аныаххын сөп. ♍️Кыыс Дьоҥҥо көмөлөһөргүн сөбүлүүгүн. Ол эрээри сулустар чугастык билбэт киһигин бэйэҥ тулаҕар чугаһаппаккар сүбэлииллэр. Эйигин албыҥҥа-түөкүҥҥэ уган биэриэхтэрин сөп. ♎️Ыйааһын Бу күн кимниин эмэ билсиһэриҥ, көрсүһүүгэ барарыҥ сатаммат – түмүгэр кэлэйиэххин сөп. Итиэннэ соһуччу улаханы атыылаһартан туттун. ♏️Скорпион Бүгүн күүһүҥ-уоҕуҥ толорутуттан дуоһуйууну ылыаҥ. Кими эрэ романтическай түгэнтэн, ким эрэ үчүгэй сүргэтиттэн, күүс-уох кутуллуутуттан лыах курдук дайа сылдьыаҕа. ♐️Охчут Тугу эрэ саҥаны саҕалыыр буоллаххына, урукку дьыалаҕын түмүктээ. Бүгүн ылыллыбыт быһаарыныыгын үчүгэйдик толкуйдаа. Ыарахан сыаналааҕы атыылаһартан туттунарыҥ ордук. ♑️Чубуку Билигин ылыстаххына, сыалгын хайаан да ситиэҥ. Эйиэхэ онно сөптөөх билии, уопут баар. Кэллиэгэлэриҥ уонна дьыалабыай алтыһааччыларыҥ өйүүргэ бэлэмнэр. ♒️Күрүлгэн Күүскүн-уоххун сыһыаны тупсарарга анаа. Оннук гымматаххына, этиһии тахсыаҕа. Ол кэриэтин былааннаргын олоххо киллэрэргэ актыыбнайдык дьулус. ♓️Балыктар Эйиэхэ сибиэһэй салгыҥҥа үлэлиириҥ эбэтэр дьиэ түбүгэр умсарыҥ туһалаах буолуоҕа. Итиэннэ санааҕын, эккин-сииҥҥин кытаатыннарарга спорт абырыаҕа.
