KollabiuM
Римма БочкареваҮтүө күнүнэн 🙌
💫Алтынньы 14 күнэ ♈️Хой Бу күн саамай уһулуччу толкуйуҥ, баҕа санааҥ туолуон сөп. Ситиһии долгунугар сылдьан чугас дьоҥҥун умнума: кинилэр эн болҕомтоҕор, өйөбүлгэр наадыйаллар. ♉️Оҕус Айар үлэнэн дьарыктанар дьон ситиһиилэниэхтэрин сөп. Атыттарга да үчүгэй күн үүннэ. Үгүс киһи үлэҕэ дуоһунаһа үрдүөҕэ. ♊️Игирэ Эйигин үчүгэй өттүгэр уларыйыы күүтэр, ол эрээри бэйэҥ онно быһаарыныы ылыммыт буолуоххун наада. Күүһүҥ-уоҕуҥ ордугун спорт саалатыгар таһаарарыҥ ордук. ♋️Рак Чуолаан куһаҕан дьаллыктаах буоллаххына, доруобуйаҥ мөлтөөбүтүн биллэриэҕэ. Бу күн аһыы утахтан, сыалаах-арыылаах ыарахан астан туттунарыҥ ордук. ♌️Хахай Атын дьон сүбэтигэр буолбакка, санааҥ тугу этэригэр уонна бэйэҥ уопуккар тирэн. Ону тэҥэ наһаа күө-дьаа буолбатаххына, дьыалаҕар ситиһиилэниэҥ. ♍️Кыыс Саҥа билиини ыларга, идэ таһымын үрдэтэргэ, ыраах айаҥҥа бэлэмнэнэргэ табыгастаах күн. Үлэлиир дьоҕуруҥ үрдүк – ону туһана сатаа. ♎️Ыйааһын Дьыалаҕар уустуктар үөскүөхтэрин сөп – ол эрээри түргэнник быһаарыллар кыһалҕалар. Кыайтарымаары гыннаҕына, тугу эрэ тобулар дьоҕургун холбоо. ♏️Скорпион Бу бэлиэлээхтэргэ дьиэ кэргэн, доруобуйа көрүнүүтэ инники миэстэҕэ тахсыаҕа. Эйиэхэ үчүгэй күн ааһыаҕа, күүс-уох ылыаҥ. ♐️Охчут Кутталлаах күн – мөккүһүү улахан этиһиигэ тиэрдиэҕэ. Кыыһыраргын туттуна сатаа. Киэһэтин уоскутар дьыалаҕынан дьарыктан. ♑️Чубуку Эт-сиин үлэтинээҕэр, өй үлэтин толороруҥ ордук. Саҥа бырайыагы былааннаан, саҕалыаххын сөп. Эбэтэр өйү сынньар оонньуулары оонньоо, таайабараҥнары таай. ♒️Күрүлгэн Кириитикэлээн дьонтон тугу да ситиһиэҥ суоҕа. Сүрүннээн, дьыала чугас дьоҥҥун таарыйар буоллаҕына, сэрэнэн, сөптөөхтүк кэпсэтэргэ кыһалын. ♓️Балыктар Күүһүҥ-сэниэҥ таһыма доруобуйаҕыттан тутулуктаах. Үчүгэй туруктаах сылдьар туһугар бырааска көрдөрүн.
