KollabiuM
Римма БочкареваҮтүө күнүнэн 🙌
*🍁🍂Балаҕан ыйын 29 күнэ.🍂🍁* ♈️Хой Былааҥҥын, саҥа идеяларгын аҥаар кырыы барыларын кытта үллэстимэ. Эн аттыгар дьон настырыанньатын алдьатарын астынар киһи баар. "Таах сибиэ, табыллыа суоҕа" диэн тыллары истиэххин баҕарбат буоллаххына, ууну омурдан сылдьар ордук. ♈️Оҕус Билиҥҥи балаһыанньаҕын сөбүлээбэт буоллаххына, ону уларытары бэйэҥ илиигэр ыл – "халлаантан ас түһэрин" күүтэн олорума. Хайдах тугу уларыттаххына, хамсаннаххына олоҕуҥ тупсуон сөбүн толкуйдаан былааннаабытыҥ хоту оҥорон ис. ♊️Игирэлэр Сулустар дьонтон сынньанарга сүбэлииллэр. Бэйэҥ билбэккинэн араас кэпсэтиилэртэн олус сылайбыккын. Онон соҕотох хаала сатаа. Оҥоруохтаах дьыаларгыттан бүгүн дьон көмөтүн эрэйбэти талан оҥор. ♋️Рак Доҕотторгун кытта көрсөргө табыгастаах күн үүммүт. Бэйэҕэр буолбакка, чугас дьоҥҥор тугу эрэ атыылаһыахтаах буоллаххына, бүгүн табыллыаҥ. Онон сотору кэминэн ким эмит төрөөбүт күнүгэр ыҥырыллыбыт буоллаххына, бэлэххин бүгүн көрдүү бар. ♌️Хахай Үлэ-хамнас өттүгэр барыта этэҥҥэ – туох да кыһалҕа, мэһэй көстүбэт. Оттон тус олоххор оннук буолбатах: чугас дьонуҥ этэллэрин улахаҥҥа уурбакка, улахан этиһиини үөскэтиэххин сөп. ♍️Кыыс Саҥа нэдиэлэ иннинэ үчүгэйдик сынньан – уустук күннэр үүнүөхтэрэ. Чугастааҕы күннэргин кичэйэн былааннаа, дьыаларагын аттар. Онно "аһаҕас түннүктэри" хааллара сатааҥ, кыһалҕа тирээтэҕинэ, ону быһаарарга туһаныаҥ ♎️Ыйааһын Олус хомолтолоох түгэннэри аҕала сатыы-сатыы санаан олох даҕаны курус санааҕа ылларан кыайан босхолонуоҥ суоҕа. Онон аралдьыйа, болҕомтоҕун атыҥҥа туһаайа сатаа. Соҕотох хаалыма, ыалдьыттары ыҥыр эбэтэр бэйэҥ ыалдьыттыы бар. ♏️Скорпион Дьиэ кэргэҥҥин кытта сынньанарга, оҕолоргунаан кэпсэтэргэ, аймахтаргын кытта көрсөргө эбэтэр аралдьытар тэрээһиҥҥэ сылдьарга анаммыт күн. Олус үчүгэй сонуннары истиэххин сөп. ♐️Охчут Олох кэрэ даҕаны диэн өссө төгүл итэҕэйиэҥ! Ким даҕаны туох даҕаны эн туруккун ыһыа суоҕа. Дьиэ-уот атыылаһаары сылдьар буоллаххына, баҕараргын булбут буоллаххына, бүгүн дуогабардаһа оҕус. ♑️Чубуку Буола турар түгэннэри букатын сыыһа-халтыы өйдүү сылдьар буолуоххун сөп. Ону тэҥэ тулалыыр дьонуҥ быһыыланыыларын төрүөтэ эмиэ эн эиэриҥ курдук буолбатаҕын өйдүөҥ. Онон уоскуйа түһэн туораттан саҥалыы көрө сатаа, түмүк оҥосторгун кэнники кэмҥэ көһөр. ♒️Күрүлгэн Үлэҕэр "сылатар" буоллахтарына, ону дьиэ кэргэҥҥэр, дьиэҕэр илдьэ кэлэн "тэбээмэ". Эбэтэр дьиэҕэр өйдөспөт быһыы-майгы үөскээтэҕинэ, ону атын дьоҥҥо таһаарыма. Өйдөспөтөх киһигин бэйэтин кытта быһаарсар ордук буолуоҕа. ♓️Балыктар Биир сиргэ олорортон сылайбыккын өйдүөҥ: кэлиилээх-барыылаах, сүүрүүлээх-көтүүлээх күнү баҕараҕын. Төһө даҕаны энергияҕын барытын толкуйдаабыккар туһаайдаргын, үп-харчы өттүнэн сэрэхтээх буол, мээнэ ыһыахтаныма.
