KollabiuM
Римма БочкареваҮтүө күнүнэн 🙌
🧣 Балаҕан ыйын 25 күнэ ♈️Хой Бүгүн дуогабар баттаһарга, биир санаалаахтаргын кытта булсарга уонна дьыалабыай кэпсэтиилэргэ үтүө түмүктэри ситиһэргэ табыгастаах күн. Ол эрээри ити көрсүһүүлэргэ, кэпсэтиилэргэ сыалгын ситиһэр инниттэн киитэрэйдии, албынныы, кырдьыгы кистии сатаама – соччото суохтук быһыыламмытыҥ биллэн хаалан барытыттан матыаххын эмиэ сөп. ♉️Оҕус Билиҥҥи дьарыгыҥ эмискэ туохтан эрэ иҥнэр куттала баар. Онуоха уруккуҥ курдук "оту-маһы тоҕо солоон" инниҥ диэки дьүккүйэртэн туттун. Ол оннугар харгыс үөскээбит төрүөтүн быһааран саҥа былааны оҥоһун. ♊️Игирэ Сэрэдэ күн эйиэхэ бэрт үчүгэйдик, чэпчэкитик саҕаланыаҕа: астык сонуну истиэҥ, үлэҕэр бииртэн-биир ситиһии, табыллыы кэлэн иһиэҕэ. Күн иккис аҥаарыгар сулустар уоскуйа түһэргэр сүбэлииллэр – эмоцияларгын кыана туттубакка, туругуҥ мөлтөөн хаалыан сөп. ♋️Рак Айаннаах командировкаҕа барар түгэн көстүөҕэ – аккаастаныма. Кыра даҕаны айаҥҥа аралдьыйыаҥ. Билбэт дьоҥҥуттан сэрэхтээх буол: албыҥҥа киирэн биэрэр куттал баар. ♌️Хахай Бу күнү дьиэҕэр анаа. Тугу эрэ атыылаһыаххын, бэйэҥ оҥоруоххун сөп эбэтэр дьиэҕэр сыһыаннаах докумуон ситиһэрдээх буоллаххына, ону саҕалаа. Дьону кытта кэпсэтэргэр кинилэр тугу этэллэрин эмиэ болҕойон иһит, ылын. ♍️Кыыс Эн баҕарбытыҥ курдук буолуо суоҕа – туохтан эрэ матыаххын, ситиһиилэнимиэххин сөп. Ол эрээри онтон олус санаарҕаама. Этэллэрин курдук, "ньыппарынан" баран чахчы туһалаах дьыалаҕа "түһүнэн" кэбис. ♎️Ыйааһын Үлэҕэр үөскээбит уустук боппуростары кэбэҕэстик быһааран кэллиэгэлэргин сөхтөрүөҥ. Тус олоххор барыта кэминэн, аа-дьуо баран иһэр. Интэриэһинэй дьону кытта көрсүһүү күүтэр. ♏️Скорпион Дьон мөккүөрүгэр, этиһиитигэр төһө да кыттыһыххын, тэбис-тэҥҥэ быһаарсыаххын, хотторбуту көмүскүөххүн баҕардаргын, оннук быһыыланыма – бэйэҥ өйдөөбөккүнэн барыларын кытта "ысыһан" кэбиһиэххин сөп. Онон көмө көрдөөтөхтөрүнэ даҕаны кыттыспат ордук. ♐️Охчут Бу күҥҥэ "ыт ыксаан-ыксаан хараҕа суох оҕону төрөтөр" диэн өс хоһооно 100% сөп түбэһэр. Онон букатын ыксаабакка, ымпыгын-чымпыгын толкуйдаан быһаарын, оҥор. ♑️Чубуку Олус сүрэҕэлдьээбиккин, тугу да толкуйдуоххун даҕаны, оҥоруоххун даҕаны баҕарбаккын билиниэҥ. Ол эрээри барытыгар сапсыйан кэбиспэккэ, хара сарсыардаттан дьыалаларгын үмүрүтэргэ түһүн. Тугу да оҥорботоххуна, кэлин охсуулаах буолуоҕа. ♒️Күрүлгэн Соһутар түгэннэр баар буолуохтара. Уталытыллыбат боппуруостары быһаара охсуоххун наада, онон көмөҕө кими эмит көрдөс. ♓️Балыктар Суолуҥ аҥаарыттан туораан хаалбакка, бигэ санааны ылынан оҥоруохтааххын улахан өттүн бүтэрэргэ кыһалын. Киэһэ эрдэ утуйар гына дьаһан – сыоааоаах күн кэннэ үчүгэйдик сынньаныаххын наада.
