KollabiuM
Римма БочкареваУтуе сарсыарданан 🙌
*🍁🍂Балаҕан ыйын 19 күнэ*🍁🍂 Хой ♈️ Өйгүн-санааҕын түмэр уустук буолуоҕа, тулалыыр дьонуҥ кыһалҕаларын быһааттара сатаан аралдьыта туруохтара. Сыалгын ситэргэр ити курдук мэһэйдэри көрсүөҕүҥ. Өскөтүн барытын тулуйдаххына, уруккуттан кыайтарбатах дьыаланы оннуттан сыҕарытыаҥ Оҕус ♉️ Тус бэйэҥ границаҕын кытаанахтык тутустаххына, чэппиэр чэпчэкитик, чуумпутук ааһыаҕа. Эйиэхэ "ис сүрэхтэн үчүгэйи баҕарааччылары" олоххор орооһоллорун, кириитикэлииллэрин, сүбэ-ама биэрэллэрин көҥүллээмэ. Игирэлэр ♓️ Кимиэхэ да улгумнук итэҕэйимэ: сулустар массыанньыктар сиэртибэлэрэ буолуоххун сөбүн сэрэтэллэр. Хайдах да барыстаах дьыалаҕа угуйдаллар, толкуйдуурга бириэмэтэ көрдөө. Рак ♋️ Үөрэҕи саҕалааччыларга, зачет, эксээмэн туттарааччыларга, бырайыак, диссертация көмүскээччилэргэ табыллыылаах күн. Сытыы тыллаах сүргэҕиҥ алдьатыан сөп. Ол ордук санааччы этэрин, кулгааҕыҥ таһынан аһардан кэбис. Хахай ♌️ Соһуччу түгэн буолуутуттан, былааны уларытаргар күһэллиэҥ. Түһүүлээх-тахсыылаах түбэлтэҕэ, ис искиттэн холкутуйа сатаа. Кыыс ♍️ Көһүтэр түмүккүн көрүөххүн баҕарар буоллаххына, кэккэ кыһалҕалары туоруоххун, күүстээх илин-кэлин былдьаһааччылары ситиэххин, чэпчэкитэ суох боппуруостары быһаарыаххын наада. Эрэллээхтик сыалгар туруннаххына, ситиһиэҥ! Ыйааһын ♎️ Күүһүҥ-уоҕуҥ толору уонна табыллыы эн диэки. маннык кыаҕы мүччү туппакка - суолталаах дьыалаҕа туһаай. Киэһэ өттүгэр холкутуйа сатаа, ыалдьыттары ыҥыр, эбэтэр дьиэ кэргэҥҥин кытта бириэмэни бэһиэлэйдик атаар. Скорпион ♏️ Сылайбыккын билиэҕиҥ. Сүргэҥ да соччото суох буолуо. Дьону кытта кэпсэтэргин аҕыйата сатаа. Алҕас саҥаран дьону өһүгэтэн, этиһии таһаарыаххын сөп. Охчут ♐️ Уруулга олорботуҥ ордук, сулустар суол быһылаанын сэрэтэллэр. Күн иккис аҥаарыгар иһитиннэрии киириэ, ону бэрэбиэркэлээ, сыта-тура толкуйдаа. Чубуку ♑️ Куһаҕан сүргэ болуота оборон ылбатын туһугар, кыра, бытархай иирсээннэргэ болҕомтоҕун уурума. Чэпчэки, туруору соруктары тал. Туох эрэ суолталааҕынан дьарыктанарга күүһүҥ тиийбэтэ буолуо. Күрүлгэн ♒️ Эн күүһүҥ-уоҕуҥ туолбут, барыны бары биир тыынынан кыайыах-хотуох курдуккун. Үлэлээ, ол эрээри атын дьон тэҥҥэ үлэлиир эбээһинэстэрэ буолбатаҕын өйдөө! Өскөтүн ону өйдөөбөтөххүнэ, кыыһырсыы тахсыаҕа. Балыктар ♊️ Тус олоххор да, дьыалабыай да эйгэҕэр ситиһиилээх күн. Үлэҕэр бэйэҕин көрдөрөргөр кыах үөскүөҕэ, ол ситиһииҥ, дуоһунаһыҥ үрдүүрүгэр үктэл буолуоҕа.
