KollabiuM
Римма БочкареваУтуе сарсыарданан 🙌
*-Балаҕан ыйын 18 күнэ-* Хой ♈️ ️ Соччото суох кыра түгэннэр эн сүргэҕиҥ алдьатымыахтарын наада. Үчүгэйи эрэ булан көрө сатаа. Тулалыыр дьоҥҥор тулуурдаахтык сыһыаннас. Кинилэртэн элбэҕи ирдээмэ, кириитикэлииртэн туттун. Оҕус ♉️ Сүргэҕиҥ соччото суохтук сананнаххына – тулалыыр дьону кытта кэпсэтэргин хааччахтыы түс. Оттон курус санаа кууһар түгэнигэр, санааҕа ылларбат туһуттан, өйү уонна үрдүк болҕомтону эрэйэр үлэҕэ ылсан аралдьый. Игирэлэр ♓️ Бу күн ситиһиилээх буолуо – тугунан да дьарыктаннаргыт – сулустар эн диэкилэр. Тугу эрэ саҥаны боруобалыаххын, саҥа уопуту ылыаххын, ханна эмэ сылдьыбатах сиргитигэр үктэниэххин сөп. Рак ♋️ Күн чэпчэкитэ суохтук ааһыаҕа. Уруккуттан баар кыыһырсыы бэргиэн, дьиэҕэр, үлэҕэр этиһии тахсыан сөп. Оннук түгэн буолбатын туһугар балаһыанньаны хонтуруолга ыл. Бэйэҕэр, чугас дьоҥҥор бэлэх оҥорон аралдьыйыаххын сөп. Хахай ♌️ Эн бүгүн өһүргэс, кыыһырымтыа буолан туруоххун сөп. Бэйэҕин сааһыланан, дууһаҕын уоскута сатаа. Дьиэ кэргэҥҥэр эйэҕэстик сыһыаннас, кыра да этиһии, уһун-киэҥ кыыһырсыыны таһаарыан сөп. Кыыс ♍️ Сэрэдэ күн дьыаланы түмүктүүргэ, сыыһаларгын анаарарга табыгастаах. Тус олоххор, ордук эдэр дьоҥҥо, ыарахаттар үөскүөхтэрин сөп. Ол биричиинэтэ эн аһара ирдэбилгэр, бириинчиккэр сытар. Ыйааһын ♎️ Сарсыарда өттүгэр тугу да былааннамматыҥ ордук. Сулустар оһол, эчэйии тахсарын сэрэтэллэр, онон бу бириэмэни уоскулаҥнык атаарар ордук. Күн иккис аҥарыгар барыта этэҥҥэ буолуо, киэһэ үчүгэй сонуну истиэҕиҥ. Скорпион ♏️ Эйигин ханнык да мэһэй, кыһалҕа тохтоппот күнэ үүммүт. Туруоруммут сыалгын ситэргэ күүһүҥ-уоҕуҥ тиийэр. Былааннамматах үп-харчы киириэҕэ эбэтэр эбии дохуот көстүөҕэ. Охчут ♐️ Туох эрэ суолталааҕы толкуйдуур кэм кэллэ. Күннээҕи түбүккэ күнү-дьылы бараабакка саҥа дьыаланы арыйарга ылыс. Онно эбии билии наада буоллаҕына, уһаппакка-кэҥэппэккэ үөрэнэриҥ ордук. Чубуку ♑️ Бу күн бэйэҕит интэриэскитин үчүгэйдик көмүскүөххүт, сөбүлэҥи холкутук ылыаххыт, кэпсэтиини таһаарыаххыт, бииргэ алтыһар дьоҥҥутун булуоххут. Тус олоххор барыта үчүгэй, сулумах дьоҥҥо, саҥа сыһыан саҕаланыан сөп. Күрүлгэн ♒️ Барыта сатаммат өттүттэн буолуон сөп: былаан, дуогабар ыһыллыыта, соһуччу кыһалҕа үөскүөн сөп. Эн соругуҥ – уордайар, абарар санааҕа бэринимэ. Холкутуйан биэр, ылбычча быһаарыныыны олох ылыныма. Ол кэриэтин күүтэ, кэтэһэ түс. Балыктар ♊️ Дьоҥҥор бэйэҕин үчүгэй өттүгүттэн көрдөрөр таһымыҥ үрдүк. Ону мүччү туппакка, суолталаах кэпсэтиини, көрсүһүүнү тэрийэ сатаа. Дьон сүрэҕин холкутук сүүйэн, туруоруммут сыалгын ситиэҕиҥ.
