KollabiuM
Римма БочкареваУтуе кунунэн 🙌
☘️ Балаҕан ыйын 11 күнэ ☘️ ♈️ Хой Эн баҕа санааҕын толороргор моһоллор көстүөхтэрин сөп, ол эрээри онтон толлор табыллыбат. Бэйэҥ сытыы өйгүнэн, тобуллаҕас толкуйгунан ону туоруоххун сөп. ♉️ Оҕус Эн буккуллуу, ыһыллыы түгэннэрин көрсүөххүн сөп. Үлэҕэр мөккүөр да тахсыан сөп курдук. Ол эрээри бэйэҥ интэриэскин көмүскүөххүн сөп. ♓️ Игирэлэр Эн энергияҥ үрдүк чыпчаалга сылдьар. Ол эрээри наһаа үлүһүйэр табыллыбат. Ордук хос хамсаныы түмүгэр алҕаһы таһаарыаххын эбэтэр коллегаларгын кытта кыыһырсыаххын сөп. ♋️ Рак Сэниэҥ эстиитин түмүгэр сүргэҥ алдьаныан сөп. Эмоцияҕын кыана тутун, кимиэхэ да тугу да дакаастыы сатаама. ♌️ Хахай Эйигин тус олоххор ситиһии күүтэр. Свиданиеҕа барар буоллаххына, барыта этэҥҥэ ааһыаҕа. Бэйэҕин биллибэт авантюраҕа киллэрэ сатаама. ♍️ Кыыс Үбү-харчыны кытта сыһыаҥҥа сэрэхтээх буоларыҥ ордук. Харчыны эргитии араас түгэннэриттэн аккаастан. Чугас аймахтаргын кытта мөккүспэтиҥ наада. ♎️ Ыйааһын Туох эрэ саҥаны оҥорорун оннугар, чугас дьоҥҥор болҕомтолоох буоларыҥ ордук. Салалта соччото суоҕу иһитиннэриэн сөп, ол эрээри онтон кыынньан кыыһырсар табыллыбат. ♏️ Скорпион Табыллыы эн өттүгэр, былааннаабыт дьыалаҕын олоххо киллэрэриҥ ордук. Манна эн олоххо мунньуммут уопутуҥ уонна билииҥ көмөлөһүөхтэрэ. ♐️ Охчут Бу кэмҥэ эт-хаан ноҕоруускатын аччатарыҥ ордук. Иммунитетыҥ түспүтүттэн сылтаан дьарҕа ыарыыларын көбүөхтэрин эбэтэр саҥа ыарыылар үөскүөхтэрин сөп. ♑️ Чубуку Биир тэҥ нуһараҥ күн үүнүөҕэ. Барыта бэйэтин кэминэн ааһыаҕа. Ким да сүбэтин истимэ, бэйэҥ санааҕар эрэ тирэнэриҥ ордук. ♒️ Күрүлгэн Бу күн өрө көтөҕүллүүҥ үрдээн, инники былааннаргын торумнуоҥ. Ол эрээри аһара үлүһүйэн, атын сиргэ халыйбатыҥ ордук буолуоҕа. ♊️ Балыктар Ыгыллыы уонна сөбүлээбэт буолуу балаһыанньата тахсыан сөп. Онон бэйэҕэр бүгэриҥ уонна сынньанарга бириэмэ буларыҥ ордук курдук буолуоҕа. Салалтаҕын кытта кыыһырсыы үп-харчы өттүгэр охсуулаах буолуон сөп.
