KollabiuM
DABAIAANA CHOLBONМоя родная деревня!
Төрөөбүт дойдум ахтылҕана Киһи төрөөбүт дойдутун Хаһан да умнубат эбит, Өйгө - санааҕа сааһылаан Уура сылдьар мэлдьитин. Ардыгар түһээммин көрөбүн Дьиэм аанын сэгэтэн киирэрбин, Ахтылҕан чугаһын биллэрэн Этээхтиир быһылаах сипсийэн. Дойдум айылҕатын кэрэтэ Кистэлэҥ күүстэрэ угуйар, Түгэххэ сөҥмүт көстүүлэрэ Арылла көтөллөр эргиччи. Улуукан алаадьы күөллэрэ Баһылыыр Кэбээйим дойдутун, Үөһээттэн нэлэйэн көстөрүн Олуһун көрүөхпүн баҕардым. Барҕа баай тыатын отонун Бараммын амсайбыт киһи дуу, Баһаммын ытыспар тутан, Баҕабын толорон, кэлиим дуу... Ахтылҕан алыс да, күүстээххин, Ардыгар арахпат да, буоллаҕыын... Тыын ылан, уоскуйа түһэрдии Санаабын чэпчэппит курдукпун Хаһааммыт баҕабын толорон Хоһооҥҥо хоһуйдум баарынан, Этиэхтээх тылларбын сааһылаан Суруйдум Кэбээйибин ахтаммын. Мэҥэ Балыктах Саргылана Стручкова- Ымыычаана 2015
