KollabiuM
Людмила ДьяконоваХоһоон
Санаа кулута (хоһоон) Үгүс киһи булкуура Кини санаатын соро-муҥа, Үксүн мөкү толкуйтан, Хомолтону илдьэ сылдьартан. Санааҕа кулут буолума, Олоҕуҥ суолун суорума, Хараҥа дьайы талыма, Хара дьаллыгы батыһыма. Куһаҕан санааны иитимэ, Хобулуур дьону истимэ, Кирдээх дьайыыга кииримэ, Сидьин майгыга ииримэ. Үчүгэйи эрэ сомсон ылан, Кэрэни кэрэхсии эн үөрэн, Сүрэхтэн дьиҥ тапталы күөрэт, Ыччаккын сырдыкка үөрэт. Ыраас толкуйга олоҕур, Чэпчэки буоларга дьулус, Көнө ыллыктаах олоҕу, Ыра сырдыгын эрэ тутус. Дьылҕа хараҕар балыйтарыма, Оҕустаҕын аайы сууллума, Кытаатан туран салгыы бар, Күүскүн-уоххун үрдүккэ салай! ©️Сырдык Күүс.
