KollabiuM
Римма БочкареваУтуе кунунэн 🙌
💫🌎 *Атырдьах ыйын 30 күнэ* ♈️ Хой Бу күнү доҕотторгун эбэтэр таптыыр киһигин кытта атаарары ордоруоҥ. Кэллиэгэлэриҥ дьыалаҕа көмөҕүн сыаналыахтара. ♉️ Оҕус Айаҥҥа турунуоххун, саҥа билсиһиилэри көрсүөххүн сөп. Соһуччу үөрүү да баар буолуоҕа. Эйигиттэн көмө көрдөстөхтөрүнэ, аккаастаммат ордук, кэлин үтүөҥ ахтыллыаҕа. ♓️ Игирэлэр Барытын соҕотох бэйэҥ быһаара сатыыгын, ол дьыалаҕа үчүгэйэ суох түмүгү аҕалыаҕа. Тулалыыр дьоҥҥо куһаҕаннык сыһыаннаһан, улахан айдааны тардыаххын сөп. ♋️ Рак Барытын табыллыыга эрэ эрэнимэ. Саарбах тэрээһиҥҥэ кыттартан туттун. Эйигин албыҥҥа киллэрэ сатыахтара. ♌️ Хахай Дьылҕаҥ эйигин ааспыт кэмҥэ төнүннэрэ сатыаҕа. Холобур, оҕо сааһыҥ доҕотторун кытта көрүһүннэриэҕэ. Ону тэҥэ чугас дьоҥҥун умнубакка, кинилэргэ болҕомтоҕун уур. ♍️ Кыыс Дьиэ түбүгүнэн, оҕуруотунан дьарыктанарыҥ ордук. Өрөмүөн, тутуу өттүгэр эмиэ табыллыаҥ. Итиэннэ спордунан дьарыктаннаххына, туһалаах буолуоҕа. ♎️ Ыйааһын Дьиэҕэр ыһыллыы-тоҕуллуу тахсыан сөп. Мөккүөрдээх боппуруоһу өссө эбии "хааһылыыртан" сэрэн. Чугас киһиҥ санаатын истэриҥ, эрэнэриҥ наада. ♏️ Скорпион Сулустар холку, чуумпу буоларгар уонна доруобуйаҕын көрүнэргэр сүбэлииллэр. Илдьэ сылдьар ыарыыгыт бэргиэн сөп. ♐️ Охчут Үлэҕэр уонна дьиэ кэргэҥҥэр соһуччу үөскээбит кыһалҕаны быһаарарга күһэллиэххит. Ол бириэмэни, күүһү эрэ буолбакка, үбү-харчыны эмиэ эрэйиэҕэ. ♑️ Чубуку Сыһыаҥҥа тыҥааһыннаах кэмнэри дьэ туоруоххун сөп. Туох баар кыыһырсыыны икки өттүттэн бырастыы гынан, саҥа быраабыланан олоруҥ. Эчэйиини ылар куттал бырыһыана үрдүк. ♒️ Күрүлгэн Кэлбит сонуннары албыҥҥа, буккуурга киирэн биэрбэт туһуттан барытын бэрэбиэркэлээ. Официальнай тэрилтэлэргэ тиийдэххинэ, боппуруостары чэпчэкитик быһаарыаххыт. ♊️ Балыктар Бэйэ туруккун соччото суохтук сананыаҥ. Аһыы утахтан, аһара аһыыртан куотуна сырыт. Массаас, сауна, уоскутар ньымалар туһалыахтара.
