KollabiuM
Ольга Сухомясова🤗
Сахалыы гороскоп 🌿 ОТ ЫЙЫН 24 КҮНЭ ♉️Хой Барытыттан ньиэрбинэйдиэх курдуккун. Ол иһин аралдьыйар дьарык буларыҥ ордук. Өссө бу күн эйиэхэ куһаҕан дьаллыккыттан аккаастанарга тоҕоостоох – түргэнник уонна букатыннаахтык босхолонуоҥ. ♉️Оҕус Саҥаны үөрэтэргэ, атын ньыманы туһанарга барсар кэм. Ол эрээри барыта чэпчэкитик табыллан иһиэ суоҕа – дьулуур уонна тулуур ирдэнэр. ♊️Игирэлэр Эйиэхэ үчүгэйи баҕарар дьон сүбэлээ да сүбэлээ буолан төттөрүтүн өйгүн-санааҕын, бэйэҥ толкуйгун үнтү буккуйан кэбиһиэхтэрин сөп. Онон бэйэҕэр эрэ эрэнэр ордук буолуо, сэрэйэр дьоҕургун туһан. Салалтаҕын кытта өйдөспөт буолуу тахсыан сөп. Оттон тус олоххор барыта кэминэн. ♋️Рак Сарсыарда болҕомтолоох буол. Сыыһар эбэтэр харчыгын сүтэрэр куттал баар. Бүгүн ылбычча быһыыланыма. Барыны бары ымпыктаан-чымпыктаан толкуйдаан толор. ♌️Хахай Куһаҕан санааларгын киэр кыйдаа. Оннук дьаһамматаххына күҥҥүн бэйэҥ буортулуоҥ, өссө ол чугас дьоҥҥун кытта сыһыаҥҥар дьайыаҕа. Дьиҥэр, барыта оннук уустук буолбатах, онон элбэҕи толкуйдуу барбакка оҥорон ис. ♍️Кыыс Араас интэриэһинэй идея киирэн дьону угуйуоҥ, батыһыннарыаҥ. Үлэҕэр ситиһиилэнэр кэмиҥ эбит. Оттон дьиэҕэр сыһыаҥҥыт тыҥаабыт курдук – дьоҥҥун олус хонтуруоллаама, аһара ирдээмэ. ♎️Ыйааһыннар Киэһээҥҥэ диэри кыраттан да кыйаханыах санааҥ ааһыа суоҕа. Дьону кытта биир тылы буларыҥ уустук буолуоҕа, улахан этиһии да тахсыан сөп. Онон айар-тутар дьарыккар аралдьый, иэйии киириэҕэ. ♏️Скорпион Кыайан уларыппат дьыалаҕар болҕомтоҕун уура сатаама, күүскүн-уоххун бараама. Ол оннугар атыҥҥа табыллыаҥ. Барыстаах дьыаланы саҕалыырга табыгастаах күн. Туох эрэ санаа интэриэһинэй киирдэҕинэ сурунан кэбис. ♐️Охчут Биир ураты бырайыакка кыттыһарга ыҥырыахтара. Сөбүлэһэр ордук – бастаан көрүүгэ соччото суох курдук эрээри инникилээх буолуоҕа. ♑️Чубуку Күнүҥ бастакы аҥаара үлэҕин тэрийэргэ, сыалгын ситиһэргэ тоҕоостоох. Эбиэт кэнниттэн сынньанар ордук. Доҕотторгун эбэтэр тапталлааххын кытта көрүс. ♒️Күрүлгэн Дьону кытта алтыһаргыттан дуоһуйууну ылыаҥ, эйэҕэс сыһыаннарыттан астыныаҥ. Интэриэһинэй айаҥҥа турунуоххун сөп. ♓️Балыктар Стресстэн ыраах сылдьа сатаа. Олус санаарҕаан ис туругуҥ мөлтүөҕэ, ыгылыйыаҥ. Онон наһаа элбэҕи оҥорон көрүмэ, эргитэ санаама, судургу буол.
