KollabiuM
Ольга Сухомясова🤗
🌿 ОТ ЫЙЫН 23 КҮНЭ ♉️Хой Этиһии тахсар куттала баар. Онон эйиэхэ үчүгэй сыһыаннаах, эйигин сатаан уоскутар дьону тутус. Киэһэ аралдьыйыаҥ – үчүгэй сынньалаҥтан аккаастаныма. ♉️Оҕус Икки өрүттээх күн ааһыаҕа: кыайыы даҕаны, хотторуу даҕаны баар буолуоҕа. Былааннаабатаххар ороскуотуруоҥ эрээри харчыгын бараабыккыттан кэмсиниэҥ суоҕа. ♊️Игирэлэр Аһара ыксааҥҥын куһаҕаҥҥа кэбэҕэстик түбэһиэххин сөп. Онон ымпыктаан-чымпыктаан үөрэтэн көрөн баран быһаарын. Тулалыыр дьоҥҥор эйэҕэстик сыһыаннас. Төһө даҕаны бэркиһээтэргин, дьону кириитикэлээмэ. ♋️Рак Тугу оҥороруҥ барыта соччото суох курдук саныаҥ. Ситиһии кэлиэҕэ эрээри күүскэ кыһаллыаххын наада. Толкуйдаабыккын толороргор бэйэҕиттэн буолбакка тас дьайыылартан сылтаан моһоллору көрсүөҥ. Үчүгэйи эрэ булан көрө сатаа – ыарахан түгэни чэпчэкитик аһарыныаҥ. ♌️Хахай Сарсыардаттан ньиэрбинэйдиэххин, олус түргэнник тымтан туруоххун сөп. Онон быһаарыллара уустук дьыалаҕын эбиэт кэннинээҕи бириэмэҕэ көһөр – дьыалабыай сыһыаннаһыыларга, урукку өттүгэр тыл-тылга киирсибэтэх дьоҥҥун кытта биир тылы буларга табыгастаах кэм. ♍️Кыыс Тус бэйэҥ дьону абылыыр күүһүҥ улахан суолталаах боппуруоһу быһааргар көмө буолуоҕа. Олус элбэх үлэлээх, кэлиилээх-барыылаах, кэпсэтиилээх күн күүтэр. Соһуччу бэлэх оҥороннор эйигин үөрдүөхтэрин, долгутуохтарын сөп. ♎️Ыйааһыннар Быһаарыылаах хардыылары оҥорорго табыгастаах күн – ол эрээри кичэйэн бэлэмнэммит буоллаххына эрэ барыта табыллыаҕа. Төбөҕүнэн толкуйдаа, баар улпукка тирэҕир. Дьон этэрин барытын ылынан иһимэ. ♏️Скорпион Кырдьыгы этэн кими эрэ улаханнык хомотуоххун сөп. Онон тыҥааһыннаах түгэҥҥэ саҥарбатаҕыҥ ордук. Үлэ кэпсэтэргэ, дохуот киллэринэргэ тоҕоостоох кэм. ♐️Охчут Толкуйдаабыккын олоххо киллэрэ охсорго тиэтэйимэ. Эйигиттэн көмө көрдөөннөр, онно элбэх бириэмэҕин аныаҥ. Наар оҥороруҥ курдук буолбакка атыны тобуллаххына ситиһии кэлиэҕэ. ♑️Чубуку Күнүҥ саҕаланыытыгар улаханнык долгуйуоххун сөп: соччото суох түгэн буолуоҕа. Ол да буоллар, ону түргэнник аһарыныаҥ. Сытан-олорон хаалыма, хамсанар-имсэнэр ордук. ♒️Күрүлгэн Бүгүн докумуон толорорго табыгаһа суох күн – онон оннук дьыаланы былааннаама. Киэһэҥ үчүгэйдик ааһыаҕа. Болҕомто ууралларыттан астыныаҥ, дуоһуйуоҥ эбэтэр ким эрэ сүрэҕин сүүйүөҥ. ♓️Балыктар Соһуччу интэриэһинэй билсиһии эбэтэр романтическай сюрприз күүтэр. Тус олоххун төрдүттэн уларытар күн буолуон сөп.
