KollabiuM
Римма БочкареваҮтүө сарсыарданан!
🌿 ОТ ЫЙЫН 20 КҮНЭ ♈️Хой Эйигин сылаалаах кэпсэтии, уһун унньуктаах мөккүһүү күүтэр. Эбээһинэстэргин толороруҥ да уустук буолуоҕа, ол иһин суолталаах дьыаланы былааннаныма. Бу күнү айылҕаҕа сынньанарыҥ ордук. ♉️Оҕус Улахан кыайыыны-хотууну, суолталаах түгэни күүтүмэ. Бу күн биир кэм чуумпутук, холкутук ааһыаҕа. Саҕалаабыт дьыалаҕын ситиһиилээхтик түмүктүөххүн сөп. Саҥа дьыаланы саҕалыыр табыллыбат – уустук мэһэйдэр баар буолуохтара. ♊️Игирэлэр Түгэн биир кэм уларыйа туруоҕа. Үөрэргэ да, соччото суохтан долгуйарга да биричиинэ баар буолуоҕа. Ол эрээри эмоцияҕар бэриммэккэ, бигэ өйгүнэн-санааҕынан сырыт. Киэһэ дьиэ кэргэҥҥэр тэрээһин, бырааһынньык табыллыаҕа. ♋️Рак Күнүҥ үчүгэйдик, интэриэһинэй кэпсэтиинэн саҕаланыаҕа. Элэккэйдик санааҕытын атастаһыаххыт. Туругуҥ тупсуоҕа. Киэһэҕин айымньылаах дьарыккар аныаххын сөп. Итиэннэ үп-харчы кэлиитэ көстөр курдук. ♌️Хахай Эрдэ турарыҥ ордук, бүгүн элбэҕи ситиһиэххин наада. Бириэмэҕин сөпкө аттар, таайар санааларгар итэҕэйиэххин сөп. Оннук гыннаххына сыалгын ситэргэ быһалыы суолуу тобулуоҕун. ♍️Кыыс Сулустар бу күнү албына суох атаар диэн сүбэлииллэр. Кырдьыгы этэр уустук буолуоҕа эрээри эппэтэххинэ улахан кыһалҕалар үөскээн тахсыахтара. Соруктаргын быһаараргар эмиэ хорсун буол. Элбэххэ үөрэниэҕиҥ уонна тулалыыр дьонуҥ убаастабылын ылыаҕын. ♎️Ыйааһын Уустук соруктары ситиһэргэ бары кыах баар. Боччумнаахтык турунууҥ көмөлөһүөҕэ. Бу күн дьоҥҥо сөбүлэтэргэ үгүс сыра бараныа суоҕа. Уһун кэмнээх сыһыан саҕаланыан сөп. ♏️Скорпион Оҥорон көрүүгэр болҕомто уурдаххына атыттар ситиспэтэхтэрин ситиһиэҥ. Айымньылаах сорудах эйиэхэ ордук табыллан тахсар. Былаанныыр, ону хараххар ойуулаан көрөр кэм кэлбит. ♐️Охчут Атын киһи эппитин эбэтэр кини быһыыланыытын аһары омуннаахтык ылыныаҥ. Чугас дьоҥҥор сыһыаҥҥар тугу да быһаарсыбаккар сүбэлиибит. Билигин бэйэҥ сөбүлүүр дьыалаҕар болҕомтоҕун уур уонна чуумпуга сылдьа сатаа. ♑️Чубуку Сүргэҥ көрөҕүллүбүт, барыта табыллар. Ханна эмэ барыы-кэлии табыллыаҕа, суол-иис үгүс кэрэни көрдөрүөҕэ. Интэриэһинэй билсиһии эбэтэр саҥа сыһыан саҕаланыыта көстөр. ♒️Күрүлгэн Дьон да, араас түгэннэр да эйигин тургутан көрө сатыыр курдуктар. Туохтан да чаҕыйбакка мэһэйдэри туоратарга дьулус. Ситиһиигэ кыах баар. Көмөнү эрэйбэтэх дьонуҥ илиилэрин уунуохтара. ♓️Балыктар Барытын үчүгэй эрэ өттүттэн көр, оччоҕуна барыта үчүгэйгэ буоларын өйдүөҥ. Саҥа доҕоттору буларга уонна этиһэ сылдьар дьоҥҥун кытта эйэлэһэргэ табыгастаах күн. Эн мичээриҥ барыларын сүрэхтэрин сүүйүөҕэ.
