KollabiuM
Римма БочкареваҮтүө сарсыарданан!
🌿 ОТ ЫЙЫН 17 КҮНЭ ♈️Хой Эн суолгар утары турбут дьон бэйэлэрэ кэһэйиэхтэрэ. Өстөөхтөргүн туора сотуоҕуҥ. Улахан ситиһиилэниэххин сөп. Киэһэ өттүгэр дьиэ кэргэҥҥэр кыыһырсыы тахсыан сөп, онон бэйэҕин туттуна сырыт. ♉️Оҕус Халлааҥҥа дайа сылдьыбатаххына үчүгэй күн ааһыаҕа. Реалист буол, кыһалҕаттан куотунума. Барытын түргэнник быһаарар кыахтааххын. Тапталлааххын кытта тыл тылга киирсибэт буолуу, күнүүлэһии тахсыан сөп. ♊️Игирэлэр Бу күн үлэҕэр уруккуттан баар кыһалҕалар үчүгэйдик быһаарыллыахтара. Туһалаах саҥа сибээһи олохтуоххун сөп. Үчүгэй толкуйу тобулуоххун сөп эрээри, ону үчүгэйдик ырытан көр. ♋️ Рак Үрдүгү эрэйэриҥ, ирдиириҥ чугас дьоҥҥун кытта сыһыаҥҥын мөлтөтүөн сөп. Күн бастакы аҥаарыгар тус бырайыаккын кытта үлэлээ. Онтон иккис аҥаарыгар чэпчэки көрсүһүү, кэпсэтии туһалыаҕа. ♌️Хахай Судургута суох быһаарыныыны ылынар кыахтааххын. Ол тус олоххор, дьыалаҕар туһалаах буолуоҕа. Ол эрээри харчыны уурдарыы курдук дьыаланы быһаарбатыҥ ордук. Элбэҕи сүтэриэххин сөп. ♍️Кыыс Күнүҥ соччото суохтук саҕаланыаҕа. Эрэммит дьонуҥ түһэн биэриэхтэрин, табыгаһа суох түгэннэр буолуохтарын сөп. Онтон улам тупсан, үлэҕин, дьыалаҕын бэрээдэктэниэҕин. ♎️Ыйааһын Интэриэһинэй уонна иллэҥ биэрбэт күн тосхойуо. Толкуйдуурга да бириэмэ тиийбэт курдук түгэннэр түргэнник сайдыахтара. Суолталаах боппуруоһу быһаарбатыҥ ордук. Көрүүҥ уларыйыаҕа. ♏️Скорпион Командировкаҕа уонна сынньалаҥҥа үчүгэй күн. Үлэҕэр, дьиэҕэр кэпсэтии тахсыаҕа. Бэйэ бодотун тардына сырыт, кими эмэ өһүргэтиэххин сөп. ♐️Охчут Барыта ситэн-хотон иһиэҕэ. Дьыалаҕар биллэ хамсааһын тахсыаҕа. Долгуйууттан куотуна сатаа. Үчүгэйи эрэ санаа, чугас дьонуҥ өйөбүлүн ылын. Оччоҕуна кэм туһаайдаҕына, чаҕыйыаҥ суоҕа. ♑️Чубуку Үпкэ-харчыга сэрэхтээх буол. Эрдэттэн былааннаммыт ороскуот туһалаах буолуоҕа. Уопсайынан, сэрэдэ эйиэхэ холкута суох күн. Тиэхиньикэ алдьаныыта, былаан уларыйыыта, соһуччу түгэннэр буолуохтарын сөп. ♒️Күрүлгэн Дьыала-куолу боппуруоһун сарсыарда өттүгэр быһаара сатаа. Бу кэмҥэ эн дьону ылыннарар дьоҕуруҥ күүстээх. Эбиэт кэннэ бэйэҕэр сынньалаҥы көҥүллээ. Рестораҥҥа сырыт эбэтэр тус дьарыккын сөргүт. ♓️Балыктар Омос көрдөххө, эйиэхэ чэпчэки күн. Ол эрээри ыксалга ылыммыт быһаарыныыҥ кэнники соччото суохтук дьайыаҕа. Албынныан сөптөөх диэбит дьоҥҥуттан кэтэнэ-манана сырыт.
