KollabiuM
Римма БочкареваӨрөбүл күнүнэн!
🌿ОТ ЫЙЫН 14 КҮНЭ ♈️Овны Дьиэҕэр болҕомтоҕун уур: олус элбэх туһата суоҕу муспуккун, туттубат эргэ малгын бырах. Киэһэ өттүгэр өйгүн-санааҕын сааһылыаххын сөп. Туох эрэ санаа төбөҕөр баар буолбута ыраатта эрээри ону ымпыктаан-чымпыктаан толкуйдуу иликкин. ♉️Оҕус Билбэт дьоҥҥун кытта кэпсэтимэ, албыҥҥа киирэн биэриэххин сөп. Элбэх киһилээх сиргэ сылдьа сатаама. ♊️Игирэлэр Талааҥҥын толору арыйарга кыһан. Дьыалабыай кэпсэтиигэ кыттыахтааххын? Кичэйэн бэлэмнэн! Киэһэ ыалдьыттары күүтэҕин? Фирменнэй бүлүүдэҕин астаа. Тугу оҥорорго ылсаҕын да, астыктык толор. ♋️Рак Докумуону бэрийэр, мунньуллубут боппуруостаргын быһаарар күн. Болҕомтолоох буол, кыра сыыһа-халты улахан кыһалҕаны үөскэтиэн сөп. ♌️Хахай Айаҥҥа табыгастаах күн. Баар кыһалҕаларгынан төбөҕүн сынньа сылдьыбатаххына, бэртээхэйдик сынньаныаҥ, күүс-уох ылыныаҥ. ♍️Кыыс Мин аҕай буолума, уоскуйан сынньана түс, күҥҥүн чуумпутук атаар. ♎️Ыйааһын Күнүҥ олус үчүгэйдик ааһан дуоһуйуоҥ. Эбиэт кэннэ туһалаах информацияны билиэҥ: ону бэйэҥ тускар толору туһанарга кыһалын. ♏️Скорпион Бүгүн иэскин-күүскүн, араас булгуччулаах төлөбүрдэргин төлөө. Барытын сабар кыаҕыҥ суох буоллаҕына, улахан өттүн төлүү сатаа. Оннук дьаһамматаххына, сотору кэминэн элбэх барыс киирдэҕинэ, барытын иэскэр ыытар куттал баар. ♐️Охчут Саҥа эбээһинэстэри ылыныма. Сыыһа туттунар куттал баар. Бэйэҥ санааҕын, этэргин толорторо сатаа, иннигин биэримэ. ♒️Чубуку Биир күдьүс үлэни толорортон сынньан: болҕомтоҥ ыһыллыбыт. Онон кэлиилээх-барыылаах, элбэх киһини кытта алтыһыылаах үлэҕэ ылыс. ♒️Күрүлгэн Арааһа сыыһа быһыыланан эрэбин диэн кыратык да саарбахтыыр буоллаххына, тугу да оҥорума. Ис куоласкын иһит, кыайан көннөрбөт гына сыыһыаххын сөп. ♓️Балыктар Сылайбыккын аҕай. Бэйэҕин күһэйимэ. Сынньанар ордук, айылҕаҕа сынньанар саамай туһалаах буолуоҕа.
