KollabiuM
Римма БочкареваҮтүө сарсыарданан!
🌿 ОТ ЫЙЫН 9 КҮНЭ ♈️Хой Түүлгүттэн сылтаан курус санааҕа ылларыаххын сөп. Онтон илии үтэтинэн босхолон. Үлэҕэр кэллиэгэлэргин эбэтэр салалтаҕын кытта өйдөспүт буолуу тахсыаҕа. Ким эрэ кэннигиттэн куһаҕаны оҥоро сатыыр – сэрэхтээх буол. ♉️Оҕус Хас биирдии хардыыгын үчүгэйдик былааннаа. Сыыһа-халты быһыыланан соччото суох быһыыга-майгыга түбэһиэххин сөп. Куһаҕан дьаллыккыттан аккаастанарга тоҕоостоох кэм. ♊️Игирэлэр Кылгас кэмҥэ саҥаны саҕалыыртан туттун. Түөкүттэр угаайыларыгар киирэн үпкүттэн-харчыгыттан, бас билэр баайгыттан-дуолгуттан матыаххын сөп. Онон харчы хамсыыр дьыалатыгар кыттыһыма, элбэҕи атыылаһартан туттун, иэс биэримэ. ♋️Рак Кыраҕа даҕаны болҕомтолоох уонна тулуурдаах буол. Бу күнү дьиэ кэргэҥҥин кытта атаарарыҥ ордук. Билбэт дьоҥҥор тылгын биэрэ сатаама. ♌️Хахай Бэйэҕин сайыннарарга тоҕоостоох кэм. Быыстапкаҕа сырыт, үчүгэй кинигэтэ булан аах. Билиэххин-көрүөххүн баҕараргын үөрэтэн саҕалаа. ♍️Кыыс Ситиһии эн диэки. Ол эрээри барытыгар табыллар кэмим диэн эрэнэн олорон хаалыма, сөптөөх хайысхаҕа көхтөөхтүк инниҥ диэки дьүккүй. ♎️Ыйааһын Маҥан балаһа саҕаланна. Барыта табыллан иһэр: лотереяҕа сүүйүөххүн сөп эбэтэр саҕалаабыт дьыалаҥ барыстаах, ситиһиилээх буолуоҕа. ♏️Скорпион Доруобуйаҥ эмискэ мөлтүөн сөп. Онон арыылааҕы-сыалааҕы мээнэ аһаама, үчүгэйдик сынньанарга кыһалын. Чугас дьоҥҥун кытта буола сатаа. ♐️Охчут Чугас дьоҥҥун кытта этиһии ыарахаттары үөскэтиэн сөп. Оннук буолбатын туһугар өйдөөн-төйдөөн, сөптөөх тыллары саҥар. Уустук быһаарыныыны ылынартан туттун. ♑️Чубуку Кэллиэгэлэриҥ настырыанньаҕын алдьатыахтарын сөп. Эйиэхэ ымсыырар киһи хобу-сиби тарҕатыаҕа. Оннук түгэн таҕыстаҕына, билбэтэх-көрбөтөх буол – түргэнник ааһыаҕа. ♒️Күрүлгэн Күнүҥ бастакы аҥаарыгар ыгылыйан ылыаҥ, онтон сылтаан туругуҥ мөлтөөбүт курдук буолуоҕа. Саҥа билсиһиилэр саҥа саҕахтары арыйыахтара. Массыналаах буоллаххына, сэрэхтээхтик айаннаа. ♓️Балыктар Эйигин судургута суох күн күүтэр. Настырыанньаҥ уларыйымтыа буолуоҕа. Онон элбэх киһини кытта алтыһа сатаама, соҕотоҕун чуумпутук сылдьыбытыҥ ордук.
