KollabiuM
Нюргустана ЭверстоваОонньуу эппиэттэрэ🤩🤩🤩
1. Эн көнөтүнэн киһигин 🌸 Эйигин кытта дьон бэйэтин холкутук сананар, саҥаны, сонуну сэҥээрэҕин, дьон тус хаачыстыбатын сыаналыыгын, уратыны, кэрэни биһириигин. Олоҕу таптыыгын, күлэр, үөрэр буоллаҕытына, ол кырдьык ис-искититтэн тахсар. Доҕотторуҥ эйигин үтүө сүрэхтээҕиҥ иһин сөбүлүүллэр. 2. Эн күүдэх баһаам киһитэҕин🌸 Тулалыыр дьон эйигин олус сүпсүлгэннээх киһи диэн көрүөхтэрин сөп. Бу эн ис туругуҥ, хас да дьыаланы тэҥҥэ оҥоруоххун сөп. Мэлдьи сыаллаах сылдьаҕын уонна ол сыалгар дьулуһар күүстээххин. Ситиһии арыаллыы сылдьарын баҕараҕын, ол инниттэн дьулуһар баҕа санаалаах буолаҕын. Ылсыбыт дьыалаҕар эппиэтинэстээхтик сыһыаннаһаҕын, өйүҥ-санааҥ дьэҥки. 3. Эн бигэ туруктааххын🌸 Таһытттан эн дьол көтөрүн кутуругуттан туппут ситиһиилээх киһи буолан көстөҕүн. Ол эрээри, ис-искэр дириҥник толкуйдуур, санааҕын киһи эрэ барыта таайбат киһитэҕин. Ол уустук бэйэҕин дьонтон кистээн, тас солотуугун чэпчэтэн көрдөрөҕүн. Бэйэҥ ис санааҕын аһаҕастык эппэккин. Эн дьонтон ылар эрэ буолбатаххын, бэйэҥ эмиэ көмөлөһөҕүн. Уопсастыба эйиэхэ булгуччу наада. Тоҕо диэтэххэ, көмөлөһөн илиигин утары уунуу, бу эн дьиҥ быһыыҥ. 4. Эн үтүө санаалаах киһигин🌸 Эн олоҕу киэҥник көрөҕүн. Дьону өйдүүгүн уонна бырастыы гынар киэн дууһалааххын. Холку уонна чуумпу олоҕу ордороҕун. Сүпсүлгэнэ суох олороргун олус сөбүлүүгүн. Соҕотоҕун олорон олох туһунан толкуйдууру сөбүлүүгүн. Маннык киэптээх олоххутун сыаналыыгын уонна харыстыыгын. 5. Эн киириилээх-тахсыылаах киһигин🌸 Эйигититтэн киһи тугу баҕарар күүтүөн сөп. Олоххо интэриэһинэй көрүүлээххин. Хоско эн баар буоллаххына, саамай сырдыктык тыгар лаампа курдук көстөҕүн, ол курдук болҕомтону тардаҕын. Сүрэххэр мотуордаах курдуккун. Эн идеялардаах киһигин.Санааҕар мэлдьи баар олоҕу кытта сөбүлэспэккин, туох эрэ уларыйыыны кэтэһэҕин, баҕараҕын. 6. Үөрүнньэҥ киһигин🌸 Олус киһини умсугутар киһигин. Күн курдук сырдыккын. Тулалыыр эйгэҕэр мэлдьи интэриэстээх сылдьаҕын, доҕотторуҥ олоҕун туһунан ис сүрэххиттэн интэриэһиргиигин. Дьону күллэрэр талааннааххын, хас биирдии түгэни үөрүүнэн толорорго дьулуһаҕын. Олоҕу таптыыр дьону бэйэҕэр тардаҕын. Биирдэ эмэ хомолтоҕо ыллараҕын. «Барыта үчүгэй буолуо» диэн девизтээххин. 7. Эн аһыныгас киһигин🌸 Эн көрсүө, сэмэй үтүө санаалааххын. Олоххор кэскиллээҕи оҥоро сатыыгын, ис сүрэххиттэн онно долгуйаҕын. Олоххо буоллар куһаҕан быһыылары, түбэлтэри чугастык ылынаҕын, ол иһин тугу эрэ уларытыаххын баҕараҕын. Дьон олоҕор ол санааҕынан кыра да буоллар үтүөнү аҕалаҕын. 8. Эн имэҥнээххин🌸 Эн киинэҕэ көстөр имэҥнээх тапталы билиэххин баҕараҕын. Ол эрээри, ону хаһан да билбэтим буолуо диэн долгуйаҕын. Эн үчүгэйгэ итэҕэйэҕин, үтүө санаалааххын. Ол эрээри, сүрэххэр чэр буолбут баастардааххын. Эйигин өйдүүр-өйүүр дьону көрдүүгүн, доҕордоспут буоллаххына, ол сибээс үйэ тухары буолар. Дьоҥҥо бэһиэлэй буолан көстө сатыыгын. 9. Эн муударайгын🌸 Эн дириҥ ис хоһоонноох кинигэни ааҕаҥҥын дьиҥнээхтик үөрэҕин, уоскуйаҕын. Таайыллыбатах эйгэни хасыһаргыттан астынаҕын. Эн дириҥник толкуйдуур уонна саҥаны түргэнник ылынар киһигин. Эн сиэрдээх уонна чиэһинэй киһигин. Бэйэҕин түһэн биэрбэккин, олус киэҥ билиилээххин, бэйэҕиттэн киэн туттарыҥ элбэх, ол эрээри ону дьоҥҥо көрдөрбөккүн.
